Ephesianee 6:10 - Yn Conaant Noa 1810

¹⁰ Er‐jerrey, my vraaraghyn, bee‐jee niartal ayns y Chiarn, as ayns pooar e hroshid.

Yn Vible Casherick 1775 1819

¹⁰ Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Ephesianee 6:10 ပူးပေါင်းရင်းမြစ်များ

1 Corinthianee 16:13

Bee‐jee er nyn arrey, shass‐jee shickyr ’sy chrodjue, ymmyrk‐jee shiu hene myr deiney, bee‐jee dunnal.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

Ephesianee 1:19

As cre ta mooads erskyn towse e phooar dooinyn ta credjal, cordail rish bree e phooar niartal;

Ephesianee 3:16

Dy jinnagh eh coyrt diuish, cordail rish berchys e ghloyr, dy ve er nyn niartaghey lesh pooar liorish e Spyrryd ayns y dooinney er cheu‐sthie;

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Philippianee 4:13

Foddym dy chooilley nhee y yannoo trooid Creest ta dy my niartaghey.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse‐foddey, lesh gennallys;

2 Timothy 2:1

Bee uss er‐y‐fa shen, my vac, niartal ayns y ghrayse ta ayns Creest Yeesey.

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

1 Peddyr 3:8

Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie:

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Ean 2:14

Ta mee scrieu hiu, ayraghyn, er‐yn‐oyr dy vel enney er ve eu ersyn ta er‐dyn toshiaght. Ta mee er scrieu hiu, gheiney aegey, er‐yn‐oyr dy vel shiu lajer, as dy vel goo Yee tannaghtyn ayndiu, as dy vel shiu er gheddyn barriaght er y drogh‐er.