Ephesianee 5:8 - Yn Conaant Noa 1810

⁸ Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Yn Vible Casherick 1775 1819

⁸ Son va shiu keayrt dy row dorraghys, agh nish ta shiu soilshey ayns y Chiarn: immee-jee myr cloan y toilshey;

Ephesianee 5:8 ပူးပေါင်းရင်းမြစ်များ

Noo Mian 3:8

Cur‐jee magh nish er‐y‐fa shen messyn cooie dy arrys.

Noo Mian 4:16

Ta’n pobble va nyn soie ayns dorraghys, er vakin soilshey mooar: as orroosyn va nyn soie ayns cheer as scadoon vaaish, ta soilshey er n’irree seose.

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 16:8

As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Ean 1:9

Shen va’n soilshey firrinagh, ta soilshean ayns dy chooilley ghooinney ta cheet er y theihll.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill‐jee choud as ta’n soilshey eu, er‐aggle dy jig y dorraghys erriu: son cha vel fys echeysyn ta shooyll ayns y dorraghys c’raad t’eh goll.

Noo Ean 12:36

Choud as ta soilshey eu, cred‐jee ayns y toilshey, dy vod shiu ve nyn gloan jeh’n toilshey. Ny goan shoh loayr Yeesey, as jimmee eh roish, as dollee eh eh‐hene voue.

Noo Ean 12:46

Ta mish er jeet my hoilshey gys y theihll, quoi‐erbee nee credjal aynym’s nagh jean eh tannaghtyn ayns y dorraghys.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 1:21

Er‐yn‐oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 13:12

Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 2:19

As t’ou goaill ort hene, dy vel uss oo hene leeideilagh da ny doail, soilshey dauesyn t’ayns dorraghys,

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

2 Corinthianee 3:18

Agh shinynooilley lesh eddin foshlit, cur‐my‐ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

2 Corinthianee 6:14

Ny bee‐jee dy neu‐chorrym sniemmit cooidjagh marish ny mee‐chredjuee: son cre’n sheshaght t’ec cairys rish mee‐chairys? ny cre’n chommeeeys t’ec soilshey rish dorraghys?

Galatianee 5:25

My ta shin beaghey ayns y Spyrryd, lhig dooin myrgeddin gimmeeaght ayns y Spyrryd.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Colossianee 1:12

Coyrt booise da’n Ayr, ta er n’yannoo shin cooie dy ghoaill ayrn jeh eiraght ny nooghyn ayns soilshey:

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.