Ephesianee 5:20 - Yn Conaant Noa 1810

²⁰ Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest;

Yn Vible Casherick 1775 1819

²⁰ Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest;

Ephesianee 5:20 ပူးပေါင်းရင်းမြစ်များ

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre‐erbee nee shiu y hirrey er yn Ayr ayns yn ennym aym’s, dy vod eh y chur diu eh.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

Romanee 1:8

Hoshiaght, ta mee coyrt booise da my Yee trooid Yeesey Creest er nyn son eu ooilley, dy vel y credjue euish er ny imraa jeh trooid y slane seihll.

1 Corinthianee 1:4

Ta mee cur booise da my Yee dy kinjagh ayns y lieh eu, son grayse Yee t’er ny choyrt diu ayns Yeesey Creest;

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

Ephesianee 5:4

Chamoo broïd, ny glare ommijagh, ny craid, nagh vel jesh; agh ayns ynnyd oc shoh coyrt booise.

Philippianee 1:3

Ta mee cur booise da my Yee dy chooilley cheayrt ta mee dy imraa shiu,

Philippianee 4:6

Ny bee‐jee imneagh son nhee erbee: agh ayns dy chooilley nhee liorish padjer as accan lesh toyrt‐booise, lhig da ny aghinyn eu ve soilshit da Jee.

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

1 Thessalonianee 3:9

Son cre’n booise oddys mayd reesht y choyrt da Jee er y lieh eu, son ooilley yn boggey ta shin dy ghoaill er y ghraih euish kiongoyrt rish Jee,

1 Thessalonianee 5:18

Ayns dagh stayd cur‐jee booise: son shoh aigney Yee ayns Creest Yeesey mychione eu.

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

Hebrewnee 13:15

Liorishyn er‐y‐fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.