Ephesianee 4:32 - Yn Conaant Noa 1810

³² As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Yn Vible Casherick 1775 1819

³² As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Ephesianee 4:32 ပူးပေါင်းရင်းမြစ်များ

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Mark 11:25

As tra vees shiu shassoo dy ghoaill padjer, leih‐jee my ta nhee erbee eu noi dooinney erbee: dy vod nyn Ayr mygeddin t’ayns niau nyn loghtyn y leih diuish.

Noo Luke 1:78

Trooid myghin meigh yn Jee ain; liorish ta irree‐ny‐greïney veih yn yrjid er hoilshean orrin,

Noo Luke 11:4

As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk.

Noo Luke 17:4

As my nee eh peccah dt’oï shiaght keayrtyn ’sy laa, as shiaght keayrtyn ’sy laa chyndaa reesht hood as gra, Ta mee goaill arrys; te ort leih da.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Luke 6:37

Ny jean‐jee briwnys, as cha bee shiu er nyn mriwnys: ny jean‐jee deyrey, as cha bee shiu er nyn gheyrey: leih‐jee, as yiow shiu leih:

Jannoo 28:2

As va ny ellannee feer dooie rooin; son doad ad aile, as ghow ad shin ooilley stiagh kyndagh rish y fliaghey v’ayn, as kyndagh rish y feayraght.

Romanee 12:10

Bee‐jee jeh aigney dooie yn derrey yeh gys y jeh elley lesh graih braaragh, ayns onnor dagh unnane jannoo soiagh jeh fer elley roish hene.

1 Corinthianee 13:4

Ta graih surranse foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

2 Corinthianee 2:10

Dasyn ta shiuish leih nhee erbee, ta mish leih myrgeddin: son my leih mee red erbee, dasyn ren mish y leih eh, ve er y ghraih euish ayns lieh Chreest;

2 Corinthianee 2:7

Myr shen dy baare diu er yn aght elley leih da, as gerjaghey eh, er‐aggle dy beagh e lheid sluggit seose lesh rouyr trimshey.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Ephesianee 5:1

Bee‐jee shiuish er‐y‐fa shen eiyrtyssee dy Yee, myr cloan ennoil;

Jamys 5:11

Cur‐jee my‐ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin veigh.

2 Peddyr 1:7

As gys craueeaght, kenjallys braaragh; as gys kenjallys braaragh, graih.

1 Ean 1:9

My ta shin goaill‐rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu‐ynrickys.

1 Ean 2:12

Ta mee scrieu hiu, chloan veggey, er‐yn‐oyr dy vel ny peccaghyn eu er ny leih diu er graih e ennym.