Ephesianee 4:31 - Yn Conaant Noa 1810

³¹ Lhig da dy chooilley roonid, as jymmoose, as farg, as beealler‐aght, as oltooan ve eebrit veue, marish dy chooilley ghoanlys.

Yn Vible Casherick 1775 1819

³¹ Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.

Ephesianee 4:31 ပူးပေါင်းရင်းမြစ်များ

Jannoo 21:30

As va ooilley yn ard‐valley ayns anvea, roie yn pobble dy cheilley: as ghow ad Paul, as hayrn ad eh magh ass y chiamble; as chelleeragh va ny dorryssyn dooint.

Romanee 3:14

Ta’n beeal oc lane dy ghweeaghyn as dy herriuid:

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

1 Corinthianee 5:8

Lhig dooin er‐y‐fa shen freayll yn feailley; cha nee lesh y chenn soorid, chamoo lesh y soorid dy ghoanlys as olkys; agh lesh yn arran millish dy ynrickys as firrinys.

2 Corinthianee 12:20

Agh ta mee goaill aggle tra hig‐ym’s, nagh voym shiuish lheid as baillym, as beem’s er ny gheddyn lieriuish lheid as nagh bailliu: er‐aggle dy bee ny vud eu anvea, troo, jymmoose, streeu, cooyl‐chassid, tutleraght, mooaralys, irree‐magh:

Galatianee 5:20

Ammys da jallooyn, obbeeys, dwoaie, anvea, goanlys, jymmoose, streeu, irree‐magh, shaghrynys veih’n chredjue,

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Ephesianee 4:25

Shen‐y‐fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Ephesianee 4:26

My hig corree erriu, ny jean‐jee peccah. Ny lhig da’n ghrian lhie er y chorree eu:

Colossianee 3:19

Gheiney‐poost, cur‐jee, graih da ny mraane eu, as ny bee‐jee sharroo nyn ’oï oc.

Colossianee 3:8

Agh nish cur‐jee shiuish myrgeddin veue ooilley ny reddyn shoh; corree, jymmoose, goanlys, goan mollaghtagh, glare neu‐ghlen ass nyn meeal.

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 5:13

As marish shoh t’ad gynsaghey dy ve litcheragh, rouail veih thie gy thie; as cha nee ynrycan litcheragh, agh tutleryn neesht, as peeikeyryn ayns cooishyn sleih elley, loayrt reddyn nagh lhisagh ad.

2 Timothy 2:23

Agh questionyn ommijagh, as giare‐cheeayllagh cur voïd, myr ta fys ayd dy vel ad doostey streeu.

2 Timothy 3:3

Fegooish graih dooghyssagh, brishey conaantyn, casseyderyn foalsey, rouanagh, dewil, dwoaiagh er deiney mie,

Titus 1:7

Son shegin dy aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

Titus 2:3

Ny shenn vraane myrgeddin, dy bee ad dy ymmyrkey‐bea crauee, cha nee scammyltee, ny cur rour saynt da feeyn, soilshaghey sampleyr mie;

Jamys 1:19

Shen‐y‐fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree:

Jamys 3:14

Agh my ta eu myskid sharroo as streeu ayns nyn greeaghyn, ny jean‐jee boggyssagh, as ny jean‐jee breg noi’n irriney.

Jamys 4:11

Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Ean 3:12

Cha nee myr va Cain, va jeh’n drogh‐er shen, as varr e vraar: As cre’n‐fa varr eh eh? Er‐yn‐oyr dy row ny obbraghyn echey hene olk, as obbraghyn e vraarey cairagh.

1 Ean 3:15

Quoi‐erbee ta dwoaie echey er e vraar, t’eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.

Ashlish 12:10

As cheayll mee coraa ard ayns niau, gra, Nish ta er jeet saualtys, as niart, as reeriaght yn Jee ain, as pooar yn Creest echey: son ta fer‐chassid nyn mraaraghyn tilgit sheese, ren adsyn y chassid fenish yn Jee ain oie as laa.