Ephesianee 4:24 - Yn Conaant Noa 1810

²⁴ As cur‐jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Yn Vible Casherick 1775 1819

²⁴ As cur-jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Ephesianee 4:24 ပူးပေါင်းရင်းမြစ်များ

Noo Luke 1:75

Ayns craueeaght as cairys kiongoyrt rish, ooilley laghyn nyn mea.

Noo Ean 17:17

Jean ad y chasherickey son dty irriney: dty ghoo she firrinys eh.

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 13:12

Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

Romanee 6:4

Shen‐y‐fa ta shin oanluckit mârishyn liorish bashtey gys baase; ’naght myr va Creest troggit seose veih ny merriu liorish gloyr yn Ayr, dy jarroo myr shen lhisagh shin myrgeddin gimmeeaght ayns bea noa.

Romanee 7:6

Agh nish ta shin livreit veih’n leigh, marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

1 Corinthianee 15:53

Son shegin da’n corp neu‐ghlen shoh ve coamrit lesh glennid, as y chorp marvaanagh shoh lesh y vea dy bragh beayn.

2 Corinthianee 3:18

Agh shinynooilley lesh eddin foshlit, cur‐my‐ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Galatianee 3:27

Son whilleen jiuish as t’er ny ve bashtit gys Creest, ta shiu coamrit lesh Creest.

Galatianee 6:15

Son ayns Creest Yeesey, chamoo ta ghiarey‐chymmylt jeh foays erbee, ny an‐ghiarey‐chymmylt, agh cretoor noa.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Ephesianee 6:11

Cur‐jee erriu slane eilley Yee, dy vod shiu ve abyl dy hassoo noi kialgyn y drogh‐spyrryd.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 1:8

Agh mychione y Mac t’eh gra, Ta dty stoyl‐reeoil, O Yee, son dy bragh as dy bragh; lorg‐reill dy chairys lorg‐reill yn reeriaght ayd’s.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

2 Peddyr 1:4

Liorish t’er ny choyrt dooinyn gialdynyn erskyn towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu‐ghlennid t’ayns y theihll trooid yeearreeyn ny foalley.