Ephesianee 4:22 - Yn Conaant Noa 1810

²² Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Yn Vible Casherick 1775 1819

²² Mychione yn ymmyrkey-bea eu t’er n’gholl shaghey, dy der shiu jeh yn chenn ghooinney, ta neu-ghlen cordail rish yeearreeyn molteyragh ny foalley.

Ephesianee 4:22 ပူးပေါင်းရင်းမြစ်များ

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 7:11

Son peccah goaill vondeish liorish yn anney, ren m’y volley, as liorish ren eh m’y varroo.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

Galatianee 1:13

Son ta shiu er chlashtyn jeh m’ymmyrkey‐bea t’er n’gholl shaghey, ayns credjue ny Hewnyn, kys dy ren mee tranlaase erskyn towse y yannoo er agglish Yee, dy stroie eh:

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Ephesianee 4:17

Shoh ta mee gra eisht, as gymmyrkey feanish er lieh yn Chiarn, nagh jean shiu veih shoh magh gimmeeaght myr ta’n chooid elley jeh ny Ashoonyn‐quaagh gimmeeaght ayns fardail nyn aignaghyn;

Ephesianee 4:25

Shen‐y‐fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Ephesianee 4:31

Lhig da dy chooilley roonid, as jymmoose, as farg, as beealler‐aght, as oltooan ve eebrit veue, marish dy chooilley ghoanlys.

Colossianee 2:11

Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Hebrewnee 3:13

Agh coyrlee‐jee y cheilley gagh‐laa, choud as te enmyssit, Yn la jiu: er‐aggle dy bee veg eu er nyn greoghey liorish molteyrys peccah.

Jamys 1:21

Shen‐y‐fa cur‐jee dy lhiattee dy chooilley neu‐ghlennid, as rouyr dy olkys, as gow‐jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll‐mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid‐feeyney, cuirraghyn jollyssagh, meeiteilyn meshtyllagh, as jalloonys dwoaiagh:

2 Peddyr 2:13

As yiow ad yn leagh dy vee‐chairys, myr adsyn ta goaill taitnys dy eiyrt er y rouanys oc ayns soilshey yn laa: she spooit ad as lheamyssyn, cloie rish y volteyraght oc hene, choud’s t’ad ec gien mêriu;

2 Peddyr 2:7

As livrey eh Lot yn dooinney cairagh, seaghnit lesh ymmyrkey‐bea feohdagh ny mee‐chrauee: