Ephesianee 4:18 - Yn Conaant Noa 1810

¹⁸ Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Yn Vible Casherick 1775 1819

¹⁸ Yn tushtey oc fo dorraghys, nyn yoarreeyn gys bea Yee, kyndagh rish y vee-hushtey t’ayndoo, trooid creoghys nyn greeaghyn:

Ephesianee 4:18 ပူးပေါင်းရင်းမြစ်များ

Noo Mian 13:15

Son ta cree yn phobble shoh er n’aase roauyr, as ta ny cleashyn oc moal dy chlashtyn, as ny sooillyn oc t’ad er n’yeigh; er‐aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Noo Mark 3:5

As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley.

Noo Ean 12:40

T’eh er lhiggey lhieu dolley ny sooillyn oc, as creoghey nyn gree; nagh vaikagh ad lesh nyn sooillyn, as nagh doighagh ad lesh nyn gree, dy beagh ad er nyn jyndaa, as dy jinnin ad y lheihys.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 3:17

As nish, vraaraghyn, strooys dy nee trooid mee‐hushtey ren shiu eh, myr ren myrgeddin ny fir‐reill eu.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 11:7

Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

Romanee 2:19

As t’ou goaill ort hene, dy vel uss oo hene leeideilagh da ny doail, soilshey dauesyn t’ayns dorraghys,

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 2:8

Shen nagh ren veg jeh princeyn y theihll shoh toiggal; son dy beagh toiggal oc jeh, cha beagh ad er chrossey yn Chiarn dy ghloyr.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Galatianee 4:8

Agh ny yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Ephesianee 2:1

As shiuish t’eh er vioghey va marroo ayns loghtyn as peccah.

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Colossianee 1:21

As shiuish va roish nish nyn yoarreeyn, as noidyn ayns nyn aigney liorish obbraghyn mee‐chrauee, agh t’eh nish er choardail [rish Jee.]

1 Thessalonianee 4:5

Cha nee ayns mian saynt ny foalley, goll‐rish eer ny Ashoonyn‐quaagh nagh vel tushtey oc dy Yee;

Hebrewnee 5:2

Oddys chymmey y hoilshaghey er ny mee‐hushtee, as orroosyn t’er n’gholl er‐shaghryn; son dy vel eh hene injillit gys annooinid:

Hebrewnee 9:7

Agh stiagh ayns yn nah ayrn hie yn ard‐saggyrt ny lomarcan keayrt ’sy vlein, cha nee fegooish fuill, ren eh chebbal er e hon hene, as son shaghrynys y phobble.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Ean 2:11

Agh eshyn ta feoh echey er e vraar, t’eh ayns dorraghys, as shooyl ’sy dorraghys, as cha vel fys echey cre’n raad t’eh goll, son dy vel dorraghys er gholley e hooillyn.