Ephesianee 4:14 - Yn Conaant Noa 1810

¹⁴ Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Yn Vible Casherick 1775 1819

¹⁴ Nagh bee mayd maghey shoh nyn gloan leaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cluicagh, lhieu t’ad lhie cooyl-chlea er-chee dy volley:

Ephesianee 4:14 ပူးပေါင်းရင်းမြစ်များ

Noo Mian 11:7

As myr v’ad goll roue, ren Yeesey toshiaght dy ghra rish y pobble mychione Ean, Cre hie shiu magh gys yn aasagh dy akin? Nee cuirtlagh criht lesh y gheay?

Noo Mian 24:11

As nee ymmodee phadeyryn‐foalsey girree seose, as mooarane y volley.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Jannoo 23:21

Agh ny jean uss er y raa oc: son ta aarloo dy ghoaill eh erskyn da‐eed dooinney jeu, t’er chiangley ad hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïds.

1 Corinthianee 12:2

Ta fys eu dy row shiu nyn Ashoonyn‐quaagh, er nyn goyrt lhieu ersooyl gys ny jallooyn balloo shoh, dy jarroo myr va shiu er nyn leeideil.

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

Ephesianee 6:11

Cur‐jee erriu slane eilley Yee, dy vod shiu ve abyl dy hassoo noi kialgyn y drogh‐spyrryd.

1 Timothy 3:6

Cha nee fer gerrit ’sy chredjue, er‐aggle dy bee eh troggit seose lesh moyrn, as dy duitt eh fo briwnys y drogh‐spyrryd.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

2 Timothy 4:3

Son hig y traa nagh nuillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir‐ynsee:

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

Jamys 1:6

Agh lhig da geearree ayns credjue, fegooish lheaystey; son t’eshyn ta lheaystey [’sy chredjue] goll‐rish tonn ny marrey, immanit lesh y gheay noon as noal.

Jamys 3:4

Cur‐jee my‐ner neesht ny lhongyn, ga dy vel ad wheesh, as er ny imman lesh geayghyn niartal, foast t’ad er ny hyndaa mygeayrt lesh stiurey beg fardalagh, raad saillish yn mainshter.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

1 Ean 2:26

Ny reddyn shoh ta mee er scrieu hiu, mychione ocsyn ta cleayney shiu.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Jude 1:12

T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Ashlish 19:20

As va’n veisht goit, as marish yn phadeyr foalsey va gobbraghey mirrillyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny‐neesht ceaut bio ayns logh dy aile lostey lesh brimstone.