Ephesianee 4:12 - Yn Conaant Noa 1810

¹² Son niartaghey ny nooghyn, son oik y chirveish, son coamrey corp Chreest;

Yn Vible Casherick 1775 1819

¹² Son niartaghey ny nooghyn, son oik y chirveish, son coamrey corp Chreest;

Ephesianee 4:12 ပူးပေါင်းရင်းမြစ်များ

Noo Luke 22:32

Agh ta mish er ghuee er dty hon’s, nagh jean dty chredjue failleil; as tra vees oo er jyndaa, niartee dty vraaraghyn.

Jannoo 1:17

Son v’eh er ny earroo mârin, as er ghoaill ayrn jeh’n chirveish shoh.

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 12:5

Myr shen ta shinyn, ga ymmodee, un chorp ayns Creest, as dy chooilley unnane oltyn yn derrey yeh jeh’n jeh elley.

Romanee 12:7

Ny shirveish, lhig dooin tastey y choyrt da’n chirveish ain; ny eshyn ta gynsaghey, da ynsagh;

Romanee 14:19

Lhig dooin er‐y‐fa shen geiyrt da ny reddyn ta jannoo son shee, as lioroo oddys shin niartaghey y cheilley ’sy chredjue.

Romanee 15:14

As ta mish mee hene myrgeddin ayns slane treishteil mychione eu, vraaraghyn, dy vel shiuish myrgeddin lane dy vieys, jeant magh lesh dy chooilley hushtey, fondagh myrgeddin dy choyrlaghey yn derrey yeh yn jeh elley.

Romanee 15:2

Lhig da dagh unnane ain shirrey e naboo y wooiys, son y foays echey dy niartaghey e chredjue.

Romanee 15:29

As ta mee shickyr tra higym hiu, dy jig‐ym ayns y slane towse jeh bannaght sushtal Chreest.

1 Corinthianee 12:27

Agh nish ta shiuish corp Chreest, as oltyn er‐lheh.

1 Corinthianee 12:7

Agh ta soilshey yn Spyrryd er ny choyrt da dy chooilley ghooinney son vondeish ennagh.

1 Corinthianee 14:12

Er yn aght cheddin, fakin dy vel shiu dy jeean geearree giootyn spyrrydoil, shir‐jee dy ve ny s breeoil ayndoo gys ynsagh yn agglish.

1 Corinthianee 14:14

Son my ta mee jannoo padjer ayns chengey yoarree, she my spyrryd t’ec padjer, agh ta my hoiggal neu‐vessoil.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er‐lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

2 Corinthianee 13:9

Son ta boggey orrin tra ta shinyn annoon, as shiuish lajer: as shoh myrgeddin ta shin geearree, dy jarroo yn slane lhiassaghey bea eu.

2 Corinthianee 3:8

Kys nagh bee shirveish y spyrryd ny smoo gloyroil?

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 5:18

As ta dy chooilley nhee veih Jee, ta er choardail shinyn rish hene liorish Yeesey Creest, as ta er livrey dooin shirveish y choardail;

2 Corinthianee 6:3

Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Ephesianee 1:23

Ta shen yn corp echey, ta dy slane jeant magh liorishyn ta lhieeney ooilley ayns ooilley.

Ephesianee 4:16

Veihsyn ta’n slane corp dy kiart er ny choyrt cooidjagh, as sniemmit dy cheilley liorish shen ta dagh junt dy hirveish, cordail rish yn obbragh breeoil ta cormit gys dagh olt, coyrt bishagh da’n chorp, dy niartaghey eh hene ayns graih.

Ephesianee 4:29

Ny lhig da drogh ghlare erbee cheet ass nyn meeal, agh shen ny ta mie son ynsagh vondeishagh, dy vod eh grayse y hirveish orroosyn ta geaishtagh rish.

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee]:

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 4:17

As abbyr‐jee rish Archippus, Jeeagh dy jean oo cooilleeney yn oik casherick shen t’ou er gheddyn ayns y Chiarn.

1 Timothy 1:12

As ta mee cur booise da Creest Yeesey nyn Jiarn, t’er my niartaghey, son dy gow eh mee dy ve firrinagh, pointeil mee gys oik y chirveish;

2 Timothy 4:11

Luke ny lomarcan ta mârym. Gow Mark, as cur lhiat mayrt eh, son t’eh vondeishagh dooys ayns [obbyr] y chirveish.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 6:1

Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,