Ephesianee 4:10 - Yn Conaant Noa 1810

¹⁰ Eshyn hie sheese, eh yn fer cheddin hie seose foddey erskyn ny niaughyn, dy voddagh eh lhieeney dy chooilley nhee)

Yn Vible Casherick 1775 1819

¹⁰ Eshyn hie sheese, eh yn fer cheddin hie seose foddey erskyn ny niaughyn, dy voddagh eh lhieeney dy chooilley nhee)

Ephesianee 4:10 ပူးပေါင်းရင်းမြစ်များ

Noo Mian 24:34

Dy firrinagh ta mee gra riu, Cha bee yn cheeloghe shoh, harrish, derrey vees dy chooilley nhee jeu shoh cooilleenit.

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my‐mychione’s.

Noo Ean 1:16

As jeh’n slane towse echey ta shin ooilley er gheddyn ayrn, as grayse er grayse.

Noo Ean 19:24

Dooyrt ad er‐y‐fa shen nyn mast’ oc hene, Ny lhig dooin y raipey eh, agh lhottyn y hilgey er, quoi echey vees eh: dy voddagh y scriptyr ve cooilleenit, ta gra, Reynn ad my gharmad nyn mast’ oc, as er my chooat ren ad lottyn y hilgey. Shoh myr ren ny sidooryn.

Noo Ean 19:28

Ny lurg shoh, son dy row fys ec Yeesey dy row dy chooilley nhee nish cooilleenit, dy voddagh y scriptyr ve jeant mie, dooyrt eh, Ta mee paagh.

Noo Ean 19:36

Son liorish jannoo ny reddyn shoh, va’n scriptyr cooilleenit, Cha bee craue jeh er ny vrishey.

Jannoo 1:11

Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Jannoo 1:9

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 3:18

Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

2 Corinthianee 12:2

Bione dou dooinney dy row ayns Creest erskyn kiare bleeaney jeig er‐dy‐henney (ny ayns y chorp v’eh, cha voddym gra; ny ass y chorp v’eh, cha voddym gra; ec Jee ta fys) goit seose gys ny niaughyn syrjey.

Ephesianee 3:19

As dy hoiggal graih Chreest, ta erskyn tushtey, dy vod shiu ve jeant magh lesh ooilley laanid Yee.

Colossianee 1:19

Son s’cooidsave lesh yn Ayr, dy jinnagh slane towse y dooghys flaunyssagh cummal aynsyn;

Colossianee 2:9

Son aynsyn ta tannaghtyn bree yn dooghys flaunyssagh ayns slane towse.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;