Ephesianee 3:2 - Yn Conaant Noa 1810

² My she shen dy vel shiu er chlashtyn jeh’n phooar t’er ny choyrt dooys dy hirveish erriu grayse Yee.

Yn Vible Casherick 1775 1819

² My she shen dy vel shiu er chlashtyn jeh’n phooar t’er ny choyrt dooys dy hirveish erriu grayse Yee.

Ephesianee 3:2 ပူးပေါင်းရင်းမြစ်များ

Jannoo 13:2

As myr v’ad shirveish gys y Chiarn as trostey, dooyrt y Spyrryd Noo, Reih‐jee magh dooys Barnabas as Saul, son yn obbyr huggey ta mee er n’eamagh ad.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu‐feeu jeh’n vea veayn, cur‐my‐ner ta shinyn chyndaa gys ny Ashoonee.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 11:13

Son ta mee loayrt riuish, Ashoonee, ayns wheesh as dy vel mee ostyl ny Hashoonee, ta mee moylley my oik:

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 4:1

Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

Galatianee 1:13

Son ta shiu er chlashtyn jeh m’ymmyrkey‐bea t’er n’gholl shaghey, ayns credjue ny Hewnyn, kys dy ren mee tranlaase erskyn towse y yannoo er agglish Yee, dy stroie eh:

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Ephesianee 3:7

Jeh va mish jeant my hirveishagh, cordail rish gioot grayse Yee v’er ny choyrt dooys liorish obbragh breeoil e phooar.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Ephesianee 3:9

As dy hoilshaghey dy foshlit da dy chooilley ghooinney, cre ta commeeys y folliaght ta er ve er dy hoshiaght y theihll keillit ayns Jee, ren dy chooilley nhee y chroo liorish Yeesey Creest:

Ephesianee 4:21

My she shen dy vel shiu er chlashtyn eh, as er ve ynsit liorishyn, myr ta’n irriney ayns Yeesey:

Ephesianee 4:7

Agh da dagh unnane ain ta grayse er ny‐choyrt, cordail rish towse gioot Chreest.

Colossianee 1:4

Er‐dyn traa cheayll shin jeh’n chredjue eu ayns Creest Yeesey, as jeh’n ghraih t’eu da ooilley ny nooghyn;

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.

1 Timothy 1:11

Cordail rish sushtal gloyroil yn Jee bannit, va er ny choyrt gys my churrym.

1 Timothy 1:4

Chamoo dy chur geill da raaghyn fardalagh, as coontey fegooish bun ny baare er sheelogheyn, ta doostey questionyn [streeuagh], ny smoo na ynsagh crauee, ta ayns credjue.

1 Timothy 2:7

Gys shoh va mee er my oardaghey ny phreachoor, as ostyl (ta mee loayrt yn irriney ayns Creest, as cha vel mee ginsh breg) fer‐ynsee ny Ashoonee ayns credjal as firrinys.

2 Timothy 1:11

Gys ta mee er my phointeil ny phreachoor, as ny ostyl, as fer‐ynsee ny Ashoonee.