Ephesianee 3:17 - Yn Conaant Noa 1810

¹⁷ Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Yn Vible Casherick 1775 1819

¹⁷ Dy vod Creest baghey ayns ny creeaghyn eu liorish credjue; dy vod shiuish liorish ve fraueit as gruntit ayns graih,

Ephesianee 3:17 ပူးပေါင်းရင်းမြစ်များ

Noo Mian 13:6

As tra ghow yn ghrian niart, ve fiojit; as er‐yn‐oyr nagh row eh er n’ghoaill fraue, ren eh shymley ersooyl.

Noo Luke 6:48

T’eh er ny hoylaghey rish dooinney ren thie y hroggal, as chleiy dy dowin, as hoie yn undin er creg: as tra dhatt yn ushtey, vrish yn thooilley stiagh dy trome er y thie shen, agh cha yiarg eh er y chraa eh; er‐yn‐oyr dy row yn undin echey er creg.

Noo Ean 14:17

Eer Spyrryd ny firriney, nagh vod y seihll goaill‐rish, er‐y‐fa nagh vel ad dy akin eh, as nagh nione daue eh: agh shione diuish eh, son t’eh tannaghtyn mêriu, as bee eh ayndiu.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 17:23

Mish ayndoosyn, as uss aynym’s, dy vod ad ve jeant slane firrinagh ayns unnaneys, as dy vod fys ve ec y seihll dy vel oo er my choyrt, as dy vel oo er ve graihagh orroosyn, myr t’ou er ve graihagh orrym’s.

Noo Ean 6:56

Eshyn ta gee my eill as giu my uill, t’eh baghey aynym’s, as mish aynsyn.

Romanee 5:5

As cha vel treishteil jannoo shin lhag‐chreeagh, er‐y‐fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

1 Corinthianee 3:6

Ta mish er hoiaghey, ren Apollos gushtaghey, agh Jee ren bishaghey.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

2 Corinthianee 13:5

Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s beaghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 2:7

Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt‐booise.

1 Ean 4:16

As ta shin er hoiggal as er chredjal yn ghraih t’ec Jee dooinyn. Ta Jee graih; as eshyn ta tannaghtyn ayns graih, t’eh tannaghtyn ayns Jee, as Jee aynsyn.

1 Ean 4:4

Ta shiuish jeh Jee, chloan veggey, as er gheddyn y varriaght orroo: er‐yn‐oyr dy vel eshyn ta ayndiuish ny s’pooaral, na eshyn ta ayns y theihll.

Ashlish 3:20

Cur‐my‐ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, higym stiagh huggey, as nee’m shibber y ghoaill mârish, as eshyn mârym’s.