Ephesianee 2:20 - Yn Conaant Noa 1810

²⁰ As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

Yn Vible Casherick 1775 1819

²⁰ As troggit er undin ny ostyllyn as phadeyryn, Yeesey Creest hene yn ard chlagh-chorneilagh;

Ephesianee 2:20 ပူးပေါင်းရင်းမြစ်များ

Noo Mian 16:18

As ta mee myrgeddin gra, rhyt, Dy nee uss Peddyr as dy nee er y chreg shoh trog‐ym’s my agglish: as cha vow giattyn niurin yn varriaght urree.

Noo Mian 21:42

Dooyrt Yeesey roo, Nagh lhaih shiu rieau ayns goo Yee, Yn chlagh ren ny masoonee y vee‐lowal, ta’n chlagh cheddin er jeet dy ve yn ard‐chlagh chorneilagh: shoh jannoo yn Chiarn, as te yindyssagh ayns ny sooillyn ainyn?

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Ephesianee 3:5

Nagh row ayns eashyn elley er ny hoilshaghey da cloan gheiney, myr te nish er ny ashlaghey da e ostyllyn casherick as e adeyryn liorish y Spyrryd;

Colossianee 2:7

Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt‐booise.

1 Peddyr 2:6

Shen‐y‐fa myrgeddin te rait ayns goo Yee, Cur‐my‐ner, ta mee soiaghey ayns Sion ard‐chlagh chorneilagh, reiht, costal: as eshyn ta credjal aynsyn cha bee eh mollit.

Ashlish 21:14

As va ec voalley yn ard‐valley daa undin yeig, as ayndoosyn enmyn daa ostyl yeig yn Eayn.