Ephesianee 2:2 - Yn Conaant Noa 1810

² Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Yn Vible Casherick 1775 1819

² Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee-viallys:

Ephesianee 2:2 ပူးပေါင်းရင်းမြစ်များ

Noo Mian 11:19

Haink Mac yn dooinney gee as giu, as t’ad gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 13:38

Yn magher yn seihll: yn rass mie cloan y reeriaght: agh y coggyl cloan y drogh‐er:

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu‐vessoil.

Noo Luke 16:8

As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Luke 22:31

As dooyrt y Chiarn, Simon, Simon, cur‐my‐ner, ta Satan er yeearree shiuish y ghoaill, dy chree‐arey shiu myr curnaght:

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 13:2

As myr v’ad gee nyn shibber (va’n drogh‐spyrryd nish er choyrt eh ayns cree Yuaase Iscariot mac Simon, dy vrah eh)

Noo Ean 13:27

As lurg y greme, hie yn drogh‐spyrryd stiagh ayn. Eisht dooyrt Yeesey rish, Shen t’ou dy yannoo, jean eh dy tappee.

Noo Ean 14:30

Veih shoh magh cha loayr‐ym cooidvooar riu: son ta prince y theihll shoh cheet, as cha vel nhee erbee echey aynym’s.

Noo Ean 15:19

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen‐y‐fa ta dwoaie ec y theihll erriu.

Noo Ean 16:11

Mychione briwnys, son dy vel prince y theihll shoh er ny vriwnys.

Noo Ean 7:7

Cha vod y seihll dwoaie y chur diuish, agh dooys te cur dwoaie; er‐yn‐oyr dy vel mee gymmyrkey feanish jeh, dy vel ny obbraghyn echey olk.

Noo Ean 8:23

As dooyrt eh roo, Ta shiuish veih heese, ta mish veih heose: ta shiuish jeh’n theihll shoh, cha vel mish jeh’n theihll shoh.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Jannoo 19:35

As tra va cleragh yn valley er chur y pobble gys fea, dooyrt eh, Gheiney Ephesus, quoi yn dooinney nagh vel fys echey dy vel ard‐valley ny Ephesianee dy ooashlaghey yn ven‐jee vooar Diana, as yn jalloo huitt neose veih Jupiter?

Jannoo 5:3

Agh dooyrt Peddyr; Ananias, cre’n‐fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

1 Corinthianee 5:10

Ny‐yeih cha nee ooilley‐cooidjagh rish maarderee yn theihll shoh, ny rish ny sayntoilee, ny ny tranlaasee, ny roosyn ta cur ooashley da jallooyn; son eisht beign diu dy jarroo goll ass y theihll.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Ephesianee 1:21

Foddey erskyn dy chooilley ard‐ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry‐heet:

Ephesianee 2:11

Shen‐y‐fa cooinee‐jee myr va shiu ayns traa dy row Ashoonee ayns yn eill, ta enmyssit an‐ghiarey‐chymmylt, liorish shen ta enmyssit giarey‐chymmylt ayns yn eill jeant liorish laueyn;

Ephesianee 2:13

Agh nish ayns Creest Yeesey, shiuish va keayrt dy row foddey jeh, ta shiu nish er‐gerrey liorish, fuill Chreest.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Ephesianee 4:17

Shoh ta mee gra eisht, as gymmyrkey feanish er lieh yn Chiarn, nagh jean shiu veih shoh magh gimmeeaght myr ta’n chooid elley jeh ny Ashoonyn‐quaagh gimmeeaght ayns fardail nyn aignaghyn;

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Ephesianee 5:6

Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys.

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Colossianee 1:21

As shiuish va roish nish nyn yoarreeyn, as noidyn ayns nyn aigney liorish obbraghyn mee‐chrauee, agh t’eh nish er choardail [rish Jee.]

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

Jamys 1:7

Son ny lhig da’n dooinney shen smooinaghtyn dy vow eh nhee erbee veih’n Chiarn.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid‐feeyney, cuirraghyn jollyssagh, meeiteilyn meshtyllagh, as jalloonys dwoaiagh:

2 Peddyr 2:14

Lesh sooillyn soit er brishey‐poosey, as nagh vod scuirr veih peccah; molley anmeenyn lhag‐chredjuagh: creeaghyn t’oc, cliaghtit er obbraghyn sayntoilagh; cloan ny mollaght:

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.

1 Ean 4:4

Ta shiuish jeh Jee, chloan veggey, as er gheddyn y varriaght orroo: er‐yn‐oyr dy vel eshyn ta ayndiuish ny s’pooaral, na eshyn ta ayns y theihll.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

1 Ean 5:4

Son cre‐erbee t’er ny ruggey jeh Jee, te geddyn barriaght er y theihll: as shoh yn varriaght ta cur y seihll fo chosh, dy jarroo yn credjue ain.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 16:17

As gheayrt y chiaghtoo ainle e chappan ’syn aer; as haink coraa mooar magh veih chiamble niau, veih’n stoyl‐reeoil, gra, Te harrish.

Ashlish 20:2

As haare eh greme er y dragon yn chenn ard‐nieu shen, ta’n jouyl as Satan, as ren eh eh y chiangley son thousane bleïn,