Ephesianee 2:11 - Yn Conaant Noa 1810

¹¹ Shen‐y‐fa cooinee‐jee myr va shiu ayns traa dy row Ashoonee ayns yn eill, ta enmyssit an‐ghiarey‐chymmylt, liorish shen ta enmyssit giarey‐chymmylt ayns yn eill jeant liorish laueyn;

Yn Vible Casherick 1775 1819

¹¹ Shen-y-fa cooinee-jee myr va shiu ayns traa dy row Ashoonee ayns yn eill, ta enmyssit an-ghiarey-chymmylt, liorish shen ta enmyssit giarey-chymmylt ayns yn eill jeant liorish laueyn;

Ephesianee 2:11 ပူးပေါင်းရင်းမြစ်များ

Noo Mian 20:7

Dooyrt adsyn rish, Er‐yn‐oyr nagh vel dooinney erbee er vailley shin. Dooyrt eshyn roo, Immee‐jee shiuish myrgeddin gys y gharey‐feeney, as yiow shiu cre‐erbee ta cair.

Romanee 11:17

As my ta paart jeh ny banglaneyn brisht jeh, as uss veih billey‐olive ny keylley, soit stiagh ny vud oc, as goaill ayrn mâroosyn jeh’n fraue as soo yn villey‐olive;

Romanee 2:26

Shen‐y‐fa, my ta’n an‐ghiarey‐chymmylt freayll cairys y leigh, nagh bee yn an‐ghiarey‐chymmylt echey er ny choontey son giarey‐chymmylt?

Romanee 2:27

As nagh jean yn an ghiarey‐chymmylt ta liorish dooghys, my chooilleenys eh yn leigh, uss y vriwnys, ta liorish eer focklyn y leigh as giarey‐chymmylt brishey’n leigh?

1 Corinthianee 12:2

Ta fys eu dy row shiu nyn Ashoonyn‐quaagh, er nyn goyrt lhieu ersooyl gys ny jallooyn balloo shoh, dy jarroo myr va shiu er nyn leeideil.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

Galatianee 2:15

Shinyn ta nyn Hewnyn liorish dooghys, as cha nee peccee jeh ny Ashoonee,

Galatianee 6:12

Whilleen as ta shirrey dy hoilshaghey ad hene er cheumooie liorish cowrey ny foalley, t’ad gêginaghey shiu dy ve er ny ghiarey‐chymmylt; ny lomarcan son nagh jinnagh ad surranse tranlaase er coontey crosh Chreest.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Colossianee 1:21

As shiuish va roish nish nyn yoarreeyn, as noidyn ayns nyn aigney liorish obbraghyn mee‐chrauee, agh t’eh nish er choardail [rish Jee.]

Colossianee 2:11

Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

Colossianee 2:13

As shiuish va marroo ayns nyn beccaghyn, as ayns yn an‐ghiarey‐chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.