Ephesianee 2:10 - Yn Conaant Noa 1810

¹⁰ Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Yn Vible Casherick 1775 1819

¹⁰ Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro-laue dy jinnagh shin gimmeeaght ayndoo.

Ephesianee 2:10 ပူးပေါင်းရင်းမြစ်များ

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Ean 3:21

Agh eshyn ta jannoo firrinys, t’eh cheet gys y toilshey, dy vod e obbraghyn v’er nyn soilshaghey magh, dy vel ad er nyn obbraghey ayns Jee.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

1 Corinthianee 3:9

Son ta shinyn co‐obbreeyn fo Jee: ta shiuish farrysthie Yee, shiuish troggal Yee.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

2 Corinthianee 5:5

Nish eshyn t’er chroo shin son yn eer red shoh, she Jee eh, ta myrgeddin er chur dooin eearlys y Spyrryd.

2 Corinthianee 9:8

As ta Jee abyl dy chur er dy chooilley ghrayse bishaghey diu; ayns slane sonnys eu jeh dy chooilley nhee, dy vod shiu bishaghey ayns dy chooilley obbyr vie:

Galatianee 6:15

Son ayns Creest Yeesey, chamoo ta ghiarey‐chymmylt jeh foays erbee, ny an‐ghiarey‐chymmylt, agh cretoor noa.

Ephesianee 1:1

Paul ny ostyl dy Yeesey Creest, liorish aigney Yee, gys ny nooghyn t’ayns Ephesus, as hucsyn ta credjal ayns Creest Yeesey:

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 2:13

Agh nish ayns Creest Yeesey, shiuish va keayrt dy row foddey jeh, ta shiu nish er‐gerrey liorish, fuill Chreest.

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 2:6

As t’eh er hroggal shin seose cooidjagh, as er hoiaghey shin cooidjagh ayns ynnydyn flaunyssagh ayns Creest Yeesey.

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:24

As cur‐jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Philippianee 1:6

Myr ta shickyrys aym jeh’n eer red shoh, dy der eshyn ta er chur obbyr vie er y hoshiaght ny‐vud eu, mullagh er derrey laa Yeesey Creest:

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 3:10

As dy vel shiu er chur erriu yn dooinney noa, ta er ny yannoo ass‐y‐noa ayns tushtey, lurg y co‐chaslys echeysyn ren eshyn y chroo.

2 Thessalonianee 2:17

Dy gerjee eh [ta mee gra] ny creeaghyn eu, as dy niartee eh shiu ayns dy chooilley ghoo as obbyr vie.

1 Timothy 2:10

Agh (shen ta cheet jesh da mraane ta goaill‐rish craueeaght) lesh obbraghyn mie.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

1 Timothy 5:25

Myr shen myrgeddin ta obbraghyn mie paart soilshit ro‐laue; as adsyn ta er aght elley, cha vod ad ve keillit.

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

2 Timothy 2:21

My nee dooinney er‐y‐fa shen freayll eh hene seyr voue shoh, bee eh ny haagh son ooashley, casherick, as cooie son ymmyd y vainshter, as aarloo cour dy chooilley obbyr vie.

2 Timothy 3:17

Dy vod y dooinney dy Yee ve slane schleïoil, dy fondagh coamrit son dy chooilley obbyr vie.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Titus 3:1

Cur ad ayns cooinaghtyn dy ve biallagh gys ard‐reilltee as pooaraghyn, dy ve ammyssagh da fir‐oik, dy ve arryltagh gys dy chooilley obbyr vie,

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Hebrewnee 10:24

As lhig dooin smooinaghtyn dy dowin ry‐cheilley, dy ghreinnaghey gys graih, as gys obbraghyn mie:

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 2:6

Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.