Ephesianee 1:4 - Yn Conaant Noa 1810

⁴ Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Yn Vible Casherick 1775 1819

⁴ Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 1:4 ပူးပေါင်းရင်းမြစ်များ

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 24:31

As ver eh magh e ainleyn lesh yn trumpet dy ard‐choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre‐erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Jannoo 13:48

As tra cheayll ny Ashoonee shoh ghow ad boggey, as ren ad goo yn Chiarn y ghloyraghey: as whilleen as va feeu as aarloo son y vea veayn ren ad credjal.

Jannoo 15:18

Ec Jee ta fys er ooilley e obbraghyn hene, er‐dy hoshiaght y theihll.

Jannoo 18:10

Son ta mish mayrt, as cha soie‐ee dooinney erbee ort dy yannoo aagair dhyt: son ta mooarane sleih aym’s ’syn ard‐valley shoh.

Romanee 8:33

Quoi ver nhee erbee gys lieh cloan reiht Yee? she Jee ta seyrey:

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Ephesianee 4:2

Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee.

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu‐chyndagh ayns e hilley:

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

1 Thessalonianee 3:12

As dy der y Chiarn erriuish gaase as bishaghey ayns graih yn derrey yeh da’n jeh elley, as da dy chooilley gooinney, dy jarroo myr ta shin diuish:

1 Thessalonianee 4:7

Son cha vel Jee er n’eamagh orrin gys neu‐ghlennid, agh gys casherickys.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 4:16

As ta shin er hoiggal as er chredjal yn ghraih t’ec Jee dooinyn. Ta Jee graih; as eshyn ta tannaghtyn ayns graih, t’eh tannaghtyn ayns Jee, as Jee aynsyn.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.