Ephesianee 1:21 - Yn Conaant Noa 1810

²¹ Foddey erskyn dy chooilley ard‐ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry‐heet:

Yn Vible Casherick 1775 1819

²¹ Foddey erskyn dy chooilley ard-ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry-heet:

Ephesianee 1:21 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 3:10

Dy voddagh nish v’er ny hoilshaghey da ny ard‐reillyn as pooaraghyn ayns ynnydyn flaunyssagh liorish yn agglish ymmodee filley creenaght Yee,

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Colossianee 2:10

As ta shiuish dy fondagh er nyn n’yannoo magh aynsyn, ta kione dy chooilley ard‐reill as pooar.

Colossianee 2:15

As spooilley ard‐reillyn as pooaraghyn, ren eh shilley foshlit jeu, geddyn barriaght harrystoo liorish [y chrosh.]

Hebrewnee 1:4

Jeant wheesh shen syrjey na ny ainleyn, myr t’eh liorish eiraght er gheddyn ennym s’ooasle na t’adsyn.

Hebrewnee 2:5

Son cha vel eh er choyrt fo reill ainleyn yn seihll ta ry heet, my‐e‐chione ta shin loayrt.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.