Ephesianee 1:19 - Yn Conaant Noa 1810

¹⁹ As cre ta mooads erskyn towse e phooar dooinyn ta credjal, cordail rish bree e phooar niartal;

Yn Vible Casherick 1775 1819

¹⁹ As cre ta mooads erskyn towse e phooar dooinyn ta credjal, cordail rish bree e phooar niartal;

Ephesianee 1:19 ပူးပေါင်းရင်းမြစ်များ

Noo Ean 3:6

Shen t’er ny ruggey jeh’n eill, te foalley; as shen t’er ny ruggey jeh’n Spyrryd, te spyrrydoil.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 1:16

Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

2 Corinthianee 4:7

Agh ta’n verchys shoh ainyn ayns siyn craie, dy vod ard‐ooashley yn phooar ve veih Jee, as cha nee voïnyn.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Ephesianee 3:20

Nish huggeysyn ta abyl dy yannoo foddey erskyn ooilley ny ta shin geearree ny smooinaghtyn, cordail rish y phooar ta gobbraghey dy niartal aynin,

Ephesianee 3:7

Jeh va mish jeant my hirveishagh, cordail rish gioot grayse Yee v’er ny choyrt dooys liorish obbragh breeoil e phooar.

Ephesianee 6:10

Er‐jerrey, my vraaraghyn, bee‐jee niartal ayns y Chiarn, as ayns pooar e hroshid.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Philippianee 3:21

Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t’eh abyl dy jarroo dy injillaghey dy chooilley nhee huggey hene.

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

2 Thessalonianee 1:11

Shen‐y‐fa ta shin myrgeddin dy kinjagh goaill padjer er nyn son eu, dy gooidsave lesh y Jee ain dy choontey shiu feeu jeh’n eam shoh, as dy chooilleeney ooilley aigney‐mie e vieys, as yn obbyr dy chredjue lesh pooar.

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr y chied‐vessyn jeh e chretooryn.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.