Ephesianee 1:18 - Yn Conaant Noa 1810

¹⁸ Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Yn Vible Casherick 1775 1819

¹⁸ Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 1:18 ပူးပေါင်းရင်းမြစ်များ

Noo Mian 13:15

Son ta cree yn phobble shoh er n’aase roauyr, as ta ny cleashyn oc moal dy chlashtyn, as ny sooillyn oc t’ad er n’yeigh; er‐aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Noo Mark 10:17

As tra v’eh er n’gholl magh er y raad, haink fer roie ny whuail, as gliooney huggey, dênee eh jeh, Vainshter vie, cre neem’s dy voddym eiraght y chosney ayns y vea veayn?

Noo Luke 24:45

Eisht doshil eh yn tushtey oc, dy voddagh ad ny scriptyryn, y hoiggal,

Jannoo 16:14

As va ben dy row va enmyssit Lydia, jeh ard‐valley Thyatira, as dellal ayns purple v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 11:29

Son ta giootyn graysoil as eam Yee gyn caghlaa.

Romanee 2:4

Ny vel oo soiaghey beg jeh berchys e vieys, as e veenid, as surranse‐foddey, gyn toiggal dy vel mieys Yee dy dty leeideil gys arrys?

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Ephesianee 1:11

Ayn myrgeddin ta shin er gheddyn eiraght, myr va shin pointit ro‐laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 3:16

Dy jinnagh eh coyrt diuish, cordail rish berchys e ghloyr, dy ve er nyn niartaghey lesh pooar liorish e Spyrryd ayns y dooinney er cheu‐sthie;

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee]:

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Philippianee 3:14

Ta mee chionney gys y vark, son leagh yn eam hug Jee dou veih’n yrjid ayns Creest Yeesey.

Colossianee 1:12

Coyrt booise da’n Ayr, ta er n’yannoo shin cooie dy ghoaill ayrn jeh eiraght ny nooghyn ayns soilshey:

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Colossianee 3:15

As lhig da shee Yee reill ayns ny creeaghyn eu, huggey myrgeddin ta shiu er nyn eam ayns un chorp; as bee‐jee booisal.

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

1 Thessalonianee 5:8

Agh lhig dooinyn ta jeh’n laa, ve sheelt, coyrt orrin yn breast‐plate dy chredjue as graih, as son bayrn‐caggee, yn treishteil dy haultys.

2 Thessalonianee 1:11

Shen‐y‐fa ta shin myrgeddin dy kinjagh goaill padjer er nyn son eu, dy gooidsave lesh y Jee ain dy choontey shiu feeu jeh’n eam shoh, as dy chooilleeney ooilley aigney‐mie e vieys, as yn obbyr dy chredjue lesh pooar.

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

1 Timothy 6:12

Bee dty hidoor dunnal son y chredjue, gow greme er y vea veayn, gys shen t’ou myrgeddin er dty eam, as er n’ghoaill rish credjue mie kiongoyrt rish ymmodee feanishyn.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 6:4

Son te erskyn towse doillee dauesyn va un cheayrt er nyn soilshaghey, as t’er vlashtyn yn gioot flaunyssagh, as va goaill ayrn jeh’n Spyrryd Noo,

1 Peddyr 1:3

Bannit dy row Jee as Ayr nyn Jiarn Yeesey Creest, ta cordail rish e vyghin vooar er n’gheddyn shin reesht gys treishteil bioal, liorish irree‐seose‐reesht Yeesey Creest veih ny merriu.

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,