Ephesianee 1:10 - Yn Conaant Noa 1810

¹⁰ Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Yn Vible Casherick 1775 1819

¹⁰ Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn:

Ephesianee 1:10 ပူးပေါင်းရင်းမြစ်များ

Noo Mian 25:32

As kiongoyrt rish vees dy chooilley ashoon er nyn jaglym: as scarree eh ad veih‐my‐cheilley, myr ta bochilley scarrey eddyr e chirree as ny goair:

Noo Mark 1:15

As gra, Ta’n tra cooilleenit, as ta reeriaght Yee er‐gerrey: gow‐jee arrys, as cred‐jee yn sushtal.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

1 Corinthianee 11:3

Agh baillym shiu dy hoiggal dy nee Creest kione dy chooilley ghooinney; as y dooinney kione e ven; as dy nee Jee kione Chreest.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Ephesianee 1:22

As ta er choyrt dy chooilley nhee fo e chassyn, as hug eh eh dy ve kione harrish dy chooilley nhee da’n agglish,

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Ephesianee 3:15

Jehsyn ta’n slane lught‐thie ayns niau as er y thalloo er ny enmys.

Ephesianee 3:2

My she shen dy vel shiu er chlashtyn jeh’n phooar t’er ny choyrt dooys dy hirveish erriu grayse Yee.

Colossianee 1:16

Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill‐reeoil, ny chiarnyssyn, ny rheamyn, ny pooaraghyn: va dy chooilley nee er nyn groo liorishyn, as er e hon:

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Hebrewnee 11:40

Jee kiarail foayr syrjey er nyn son, nagh voghe adsyn fegooish shinyn yn slane bannaght dy haualtys.

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;