Colossianee 4:12 - Yn Conaant Noa 1810

¹² Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Yn Vible Casherick 1775 1819

¹² Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Colossianee 4:12 ပူးပေါင်းရင်းမြစ်များ

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Luke 1:1

Son wheesh as dy vel ymmodee er ghoaill ayns laue dy chur coontey cairagh jeh ny reddyn ta dy firrinagh er nyn gredjal nyn mast’ ain.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Romanee 15:14

As ta mish mee hene myrgeddin ayns slane treishteil mychione eu, vraaraghyn, dy vel shiuish myrgeddin lane dy vieys, jeant magh lesh dy chooilley hushtey, fondagh myrgeddin dy choyrlaghey yn derrey yeh yn jeh elley.

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

1 Corinthianee 2:6

Agh ta shinyn loayrt creenaght nyn mast’ ocsyn ta slane ynsit, ny‐yeih cha nee creenaght y theihll shoh, ny jeh princeyn y theihll ta lheïe ersooyl:

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Galatianee 4:19

My chloan veggey, j’iuish ta mee reesht myr ayns pianyn troailt, derrey vees Creest er ny chummey ayndiu.

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu‐chyndagh ayns e hilley:

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 1:7

Myr dynsee shiu myrgeddin jeh Epaphras nyn sheshey sharvaant graihagh, ta er ny son euish nyn hirveishagh firrinagh dy Chreest.

Colossianee 1:9

Er yn oyr shoh cha vel shinyn myrgeddin, er‐dyn la cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Colossianee 4:9

Marish Onesimus braar firrinagh as graihagh, ta fer j’iu hene. Ver adsyn coontey diu jeh dy chooilley red ta jeant ayns shoh.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

Philemon 1:23

Ta dy dty vannaghey Epaphras, my cho‐phryssoonagh ayns Creest Yeesey;

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeal as tushtey dy vriwnys eddyr mie as sie.

Hebrewnee 5:7

Ayns laghyn e ghooghys‐foalley, tra v’eh er hebbal padjeryn as aghinyn, lesh eam jeean as jeir, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Jamys 1:4

Agh cur‐jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

Jamys 5:16

Gow‐jee rish nyn voiljyn yn derrey yeh da’n jeh elley, as gow‐jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Jude 1:24

Nish huggeysyn ta abyl dy reayll shiu veih tuittym as dy hebbal shiu gyn loght kionfenish e ghloyr lesh boggey erskyn towse,