Colossianee 3:5 - Yn Conaant Noa 1810

⁵ Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

Yn Vible Casherick 1775 1819

⁵ Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

Colossianee 3:5 ပူးပေါင်းရင်းမြစ်များ

Noo Mian 15:19

Son magh veih’n chree ta cheet drogh smooinaghtyn, dunverys, brishey‐poosey, maarderys, maarlys, feanish foalsey, goan mollaghtagh.

Romanee 1:26

Er‐yn‐oyr shoh livrey Jee ad seose gys yeearreeyn neuchooie: Son ren eer nyn mraane yn ymmyd dooghyssagh y chaghlaa gys shen ny ta noi dooghys:

Romanee 1:29

Laadit lesh dy chooilley neu‐ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh‐yannoo; scammyltee cooylchlea,

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 7:23

Agh ta mee gennaghtyn leigh elley ayns my oltyn, caggey noi leigh my aigney, as dy my hayrn fo bondiaght gys y leigh dy pheccah, t’ayns my oltyn.

Romanee 7:5

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn‐quaagh, dy jinnagh fer goaill da hene ben e ayrey.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

1 Corinthianee 6:13

Bee son y volg, as y bolg son bee; agh nee Jee ad ny neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

1 Corinthianee 6:18

Chea‐jee veih maarderys. Ta dy chooilley pheccah ta dooinney dy yannoo, cheu‐mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

2 Corinthianee 12:21

As er‐aggle tra hig‐ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu‐ghlennid, as y vaarderys, as y rouanys shen, t’ad er ny ve cur rish.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Ephesianee 4:19

Ta liorish coayl nyn mioyr er livrey ad hene seose gys rouanys, dy chur rish dy chooilley vonney dy neu‐ghlennid lesh yeearree jeean neu‐ghooghyssagh.

Colossianee 2:11

Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

1 Thessalonianee 4:5

Cha nee ayns mian saynt ny foalley, goll‐rish eer ny Ashoonyn‐quaagh nagh vel tushtey oc dy Yee;

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er‐shaghryn veih’n chredjue, as er vroddey ad hene trooid lesh mooarane torchaghyn.

Hebrewnee 12:16

Er‐aggle dy bee maarderagh erbee, ny persoon erbee mee‐chrauee, myr Esau, ren son un longey dy vee e eiraght y chreck.

Hebrewnee 13:4

Ta poosey onnoroil ayns ooilley, as y lhiabbee gyn‐loght: agh maarderee as adsyn ta brishey‐poosey nee Jee briwnys.

Hebrewnee 13:5

Lhig da’n ymmyrkey‐bea eu ve fegooish saynt; as bee‐jee booiagh lesh lheid as t’eu: son t’eh er ghra, Cha vaag‐ym, ny cha dreig‐ym oo dy bragh.

Jamys 4:1

Cre voish ta cheet caggaghyn as streeughyn nyn mast’ eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.