Colossianee 3:24 - Yn Conaant Noa 1810

²⁴ Toiggal, dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

Yn Vible Casherick 1775 1819

²⁴ Toiggal dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

Colossianee 3:24 ပူးပေါင်းရင်းမြစ်များ

Noo Mian 10:41

Eshyn ta cur oltaghey‐bea da phadeyr ayns ennym phadeyr, yiow eh leagh phadeyr; as eshyn ta cur oltaghey‐bea da doinney cairagh ayns ennym dooinney cairagh, yiow eh leagh dooinney cairagh.

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Mian 5:46

Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Luke 14:14

As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Romanee 1:1

Paul sharvaant Yeesey Creest, er ny eam dy ve ny ostyl, soit er‐lheh gys sushtal Yee;

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

1 Corinthianee 11:23

Son ta mish er n’gheddyn veih’n Chiarn shen ta mee myrgeddin er livrey diuish, Dy ren y Chiarn Yeesey, yn oie cheddin ayn v’eh er ny vrah, arran y ghoaill:

1 Corinthianee 3:8

Nish eshyn ta soiaghey, as eshyn ta gushtaghey, cha vel ad agh unnane: as yiow dy chooilley ghooinney e leagh hene, cordail rish e laboraght hene.

1 Corinthianee 7:22

Son eshyn ta er ny eam ayns y Chiarn, as eh ny harvaant, t’eh ayns seyrsnys y Chiarn: myrgeddin eshyn ta er ny eam, as eh ayns seyrsnys, t’eh sharvaant Chreest.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Ephesianee 6:6

Cha nee lesh shirveish‐sooilley, myr dy wooiys deiney, agh myr sharvaantyn Chreest, jannoo aigney Yee veih nyn gree;

Ephesianee 6:8

Toiggal shoh, mie erbee dy vel dooinney dy yannoo, lheid cheddin yiow eh veih’n Chiarn, edyr eh ve sharvaant ny seyr.

Colossianee 2:18

Ny lhig da dooinney erbee shiu y volley jeh nyn leagh, lesh injillid‐aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

Hebrewnee 10:35

Ny lhig‐jee veue, er‐y‐fa shen, yn dunnallys eu, ny gour ta leagh mooar dy chooilleeney.

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam: