Colossianee 3:23 - Yn Conaant Noa 1810

²³ As cre‐erbee ta shiu dy yannoo, jean‐jee eh dy creeoil, myr da’n Chiarn, as cha nee da deiney;

Yn Vible Casherick 1775 1819

²³ As cre-erbee ta shiu dy yannoo, jean-jee eh dy creeoil, myr da’n Chiarn, as cha nee da deiney;

Colossianee 3:23 ပူးပေါင်းရင်းမြစ်များ

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Romanee 14:6

Eshyn ta freaylley’n laa, t’eh freaylley eh gys y Chiarn; as eshyn nagh vel freaylley’n laa, gys y Chiarn cha vel eh dy reaylley eh. Eshyn ta gee, t’eh gee gys y Chiarn, son t’eh coyrt booise da Jee; as eshyn nagh vel gee, gys y Chiarn cha vel eh gee, as t’eh coyrt booise da Jee.

Romanee 14:8

Son edyr shin ve bio, ta shin bio gys y Chiarn; as edyr shin ve marroo, ta shin marroo gys y Chiarn: Shen‐y‐fa edyr shin ve bio ny marroo, ta shin lesh y Chiarn.

Ephesianee 5:22

Shiuish vraane‐poost, jean‐jee shiu hene y injallaghey gys ny deiney‐poost eu, myr gys y Chiarn.

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:13

Jean‐jee shiu hene y injillaghey gys dy chooilley leigh er ny oardaghey liorish deiney er graih yn Chiarn; edyr eh ve gys y ree, myr yn ard‐fer‐reill;

1 Peddyr 2:15

Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;