Colossianee 3:12 - Yn Conaant Noa 1810

¹² Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

Yn Vible Casherick 1775 1819

¹² Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;

Colossianee 3:12 ပူးပေါင်းရင်းမြစ်များ

Noo Mian 24:22

As mannagh beagh ny laghyn shen dy leah harrish, cha beagh dooinney bio er ny hauail: agh er graih yn chloan reiht, bee ny laghyn shen dy leah harrish.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 24:31

As ver eh magh e ainleyn lesh yn trumpet dy ard‐choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Noo Mark 13:20

As mannagh beagh y Chiarn dy leah er n’ghoaill ny laghyn shen giare, cha beagh dooinney bio er ny hauail: agh er graih e chloan reiht t’eh er n’yannoo giare ny laghyn:

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Mark 13:27

As eisht ver eh magh e ainleyn, as nee eh e chloan reiht y haglym cooidjagh veih ny kiare geayghyn, veih ny ardjyn sodjey magh jeh’n ooir, gys ny ardjyn sodjey magh jeh’n aer.

Noo Luke 1:78

Trooid myghin meigh yn Jee ain; liorish ta irree‐ny‐greïney veih yn yrjid er hoilshean orrin,

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

Romanee 9:11

(Son roish my daink y chloan er y theihll, chamoo v’ad er n’yannoo mie ny sie, dy voddagh oardagh Yee cordail rish e reih arryltagh shassoo, cha nee liorish obbraghyn, agh veihsyn ta geamagh)

1 Corinthianee 13:4

Ta graih surranse foddey, as t’ee dooie; cha vel graih troo: cha vel graih soiaghey ee hene seose ayns aght mooaralagh; cha vel ee sheidit seose lesh moyrn,

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 4:2

Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Ephesianee 4:24

As cur‐jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Philippianee 1:8

Son Jee my eanish, cre cha jeean as ta mee goaill foddeeaght nyn yeï eu ooilley ayns meiyghys Yeesey Creest.

Colossianee 3:10

As dy vel shiu er chur erriu yn dooinney noa, ta er ny yannoo ass‐y‐noa ayns tushtey, lurg y co‐chaslys echeysyn ren eshyn y chroo.

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill‐rish yn irriney, ta cordail rish craueeaght:

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

1 Ean 4:19

Ta graih ain ersyn, er‐yn‐oyr dy dug eshyn hoshiaght graih dooin.

2 Ean 1:13

Ta cloan dty huyr reiht cur bea as slaynt hood. Amen.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.