Colossianee 3:1 - Yn Conaant Noa 1810

¹ My ta shiuish eisht er n’irree marish Creest, shir‐jee ny reddyn shen ta er nyn skyn, raad ta Creest ny hoie er laue yesh Yee.

Yn Vible Casherick 1775 1819

¹ My ta shiuish eisht er n’irree marish Creest, shir-jee ny reddyn shen ta er-nyn-skyn, raad ta Creest ny hoie er laue yesh Yee.

Colossianee 3:1 ပူးပေါင်းရင်းမြစ်များ

Noo Mian 22:44

Dooyrt y Chiarn rish my Hiarn’s, Soie uss er my laue yesh, derrey neem’s dty noidyn stoyl dty choshey?

Noo Mian 26:64

Dooyrt Yeesey rish, T’ou uss er ghra eh: ny‐yeih ta mish gra riu, Ny lurg shoh hee shiu Mac y dooinney ny hoie er laue‐yesh yn phooar, as cheet ayns bodjallyn yn aer.

Noo Mian 6:20

Agh stoyr‐jee seose berchys diu hene ayns niau, raad nagh vel y lhemeen ny’n mergey cur mow, as raad nagh vel maarlee brishey stiagh as geid.

Noo Mian 6:33

Agh shir‐jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Mark 12:36

Son ta David eh hene er ghra liorish y Spyrryd Noo, Dooyrt y Chiarn rish my Hiarn’s, Soie uss er my laue yesh, derrey ver‐ym dty noidyn son stoyl dty choshey.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Noo Luke 20:42

As dy vel David eh hene ayns lioar ny psalmyn gra, Dooyrt y Chiarn rish my Hiarn’s, Soie uss er my laue yesh,

Noo Luke 22:69

Ny lurg shoh nee Mac y dooinney soie er laue yesh pooar Yee.

Jannoo 2:34

Son cha vel David er gholl seose er ny niaughyn: agh t’eh hene gra, Dooyrt y Chiarn rish my Hiarn’s, Soie uss er my laue‐yesh,

Jannoo 7:55

Agh v’eshyn lane jeh’n Spyrryd Noo, as yeeagh eh seose dy gyere gys niau, as honnick eh gloyr Yee, as Yeesey ny hassoo er laue yesh Yee,

Romanee 8:34

Quoi eh ta deyrey? she Creest hooar baase, ny sodjey, t’er n’irree reesht, ta eer ec laue yesh Yee, as ta myrgeddin loayrt ayns y lieh ain.

Romanee 8:6

Son ta yeearree yn eill, baase; agh yeearree yn Spyrryd, bea as shee:

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

Ephesianee 4:10

Eshyn hie sheese, eh yn fer cheddin hie seose foddey erskyn ny niaughyn, dy voddagh eh lhieeney dy chooilley nhee)

Ephesianee 5:22

Shiuish vraane‐poost, jean‐jee shiu hene y injallaghey gys ny deiney‐poost eu, myr gys y Chiarn.

Colossianee 2:20

Shen‐y‐fa, my ta shiu marroo marish Creest veih ynsagh annoon y theihll; cre’n‐fa, myr beaghey ’sy theihll, ta shiu fo reill oardaghyn:

Colossianee 3:2

Soie‐jee nyn aignaghyn er reddyn flaunyssagh, as cha nee er reddyn thallooinagh:

Hebrewnee 1:13

Agh rish quoi jeh ny ainleyn dooyrt eh ec traa erbee, Soie er my laue yesh, derrey nee’m dty noidyn y yannoo stoyl dty choshey?

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 10:12

Agh ta’n dooinney shoh, erreish da ve er hebbal un oural son peccaghyn, son dy bragh er hoie sheese ec laue yesh Yee;

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.