Colossianee 2:6 - Yn Conaant Noa 1810

⁶ Myr ta shiu eisht er ghoaill rish Creest Yeesey nyn Jiarn, myr shen jean‐jee gimmeeaght aynsyn:

Yn Vible Casherick 1775 1819

⁶ Myr ta shiu eisht er ghoaill rish Creest Yeesey nyn Jiarn, myr shen jean-jee gimmeeaght aynsyn:

Colossianee 2:6 ပူးပေါင်းရင်းမြစ်များ

Noo Mian 10:40

Eshyn ta soaighey jiuish, te’h soiaghey jeem’s; as eshyn ta soiaghey jeem’s, t’eh soiaghey jehsyn t’er my choyrt.

Noo Ean 13:20

Dy firrinagh firrinagh ta mee gra riu, Eshyn ta jannoo soiagh jeh quoi‐erbee ta mee dy choyrt, t’eh jannoo soiagh jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

2 Corinthianee 5:7

(Son ta shin gimmeeaght liorish credjue, cha nee liorish shilley sooilley.)

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 3:26

Son ta shiu ooilley cloan Yee liorish credjue ayns Yeesey Creest.

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

1 Ean 2:6

Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.