Colossianee 2:13 - Yn Conaant Noa 1810

¹³ As shiuish va marroo ayns nyn beccaghyn, as ayns yn an‐ghiarey‐chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn.

Yn Vible Casherick 1775 1819

¹³ As shiuish va marroo ayns nyn beccaghyn, as ayns yn an-ghiarey-chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn,

Colossianee 2:13 ပူးပေါင်းရင်းမြစ်များ

Noo Luke 15:24

Son v’eh shoh my vac marroo, as t’eh bio reesht; v’eh caillit, as t’eh er ny gheddyn reesht. As ren ad toshiaght dy yannoo gien mie.

Noo Luke 15:32

Ve cooie dooin ve gennal, as boggey y ghoaill: son v’eh shoh dty vraar marroo, as t’eh bio reesht: v’eh caillit, as t’eh er ny gheddyn.

Noo Luke 9:60

Dooyrt Yeesey rish, Lhig da ny merriu nyn merriu y oanluckey; agh gow uss royd as jean reeriaght Yee y phreacheil.

Noo Ean 5:21

Son myr ta’n Ayr troggal seose, as cur bioys da ny merriu: eer myr shen ta’n Mac bioghey yn vooinjer saillish.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Romanee 4:17

(Myr te scruit, Ta mee er dty yannoo ayr ymmodee ashoonyn) cordail rishyn er ren eh credjal, dy jarroo Jee, ta bioghey ny merriu, as geamagh er ny reddyn shen nagh vel, myr dy beagh ad hannah ayn:

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

1 Corinthianee 15:36

Uss ghooinney vee‐hushtagh, shen ny t’ou dy chuirr, cha vel eh bioghey, mannagh vel eh goll eig.

1 Corinthianee 15:45

As myr shen te scruit, Va’n chied dooinney Adam jeant ny annym bio, va’n Adam s’jerree jeant ny Spyrryd ta choyrt bioys.

2 Corinthianee 3:6

Eh ta myrgeddin er n’yannoo shin shirveishee cooie jeh’n chonaant noa; cha nee jeh’n leigh, agh jeh’n spyrryd: son ta’n leigh gobbraghey baase, agh ta’n spyrryd coyrt bioys.

2 Corinthianee 5:19

Ta shen, dy row Jee ayns Creest, cordail yn seihll rish hene, cha nee coyrt nyn loghtyn nyn lieh; as t’eh er livrey dooinyn yn goo dy choardail.

Ephesianee 2:1

As shiuish t’eh er vioghey va marroo ayns loghtyn as peccah.

Ephesianee 2:11

Shen‐y‐fa cooinee‐jee myr va shiu ayns traa dy row Ashoonee ayns yn eill, ta enmyssit an‐ghiarey‐chymmylt, liorish shen ta enmyssit giarey‐chymmylt ayns yn eill jeant liorish laueyn;

Ephesianee 5:14

Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

1 Timothy 5:6

Agh ish ta beaghey ayns reamys neu‐lowal, t’ee marroo ga dy vel ee bio.

1 Timothy 6:13

Ta mee cur currym ort fenish Yee, ta bioghey dy chooilley nhee, as kiongoyrt rish Creest Yeesey, ren tra v’eh roish Pontius Pilate gymmyrkey feanish mie;

Hebrewnee 6:1

Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Jamys 2:17

Eer myr shen credjue, mannagh vel obbraghyn goll mârish, te dyn vree ny lomarcan.

Jamys 2:20

Agh nailt fys ’ve ayd, O ghooinney ardalagh, dy vel credjue fegooish obbraghyn marroo?

Jamys 2:26

Son myr ta’n corp fegooish y spyrryd marroo, myr shen ta credjue fegooish obbraghyn marroo myrgeddin.

1 Ean 2:12

Ta mee scrieu hiu, chloan veggey, er‐yn‐oyr dy vel ny peccaghyn eu er ny leih diu er graih e ennym.