Colossianee 2:12 - Yn Conaant Noa 1810

¹² Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

Yn Vible Casherick 1775 1819

¹² Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

Colossianee 2:12 ပူးပေါင်းရင်းမြစ်များ

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.

Jannoo 2:32

Shoh yn Yeesey cheddin ta Jee er hroggal seose, myr ta shinyn ooilley nyn veanishyn.

Romanee 4:24

Agh er y choontey ainyn myrgeddin, gys nyn lieh vees eh er ny choyrt, my ta shin credjal ersyn hrog seose Yeesey nyn Jiarn veih ny merriu,

Romanee 7:4

Shen‐y‐fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn‐quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

1 Corinthianee 15:20

Agh nish ta Creest er n’irree veih ny merriu, as er jeet dy ve yn chied‐vess jeusyn ren cadley.

Galatianee 3:27

Son whilleen jiuish as t’er ny ve bashtit gys Creest, ta shiu coamrit lesh Creest.

Ephesianee 2:8

Son liorish grayse ta shiu er nyn sauail, trooid credjue; as shen cha nee j’iu hene: shen gioot Yee eh:

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Ephesianee 3:7

Jeh va mish jeant my hirveishagh, cordail rish gioot grayse Yee v’er ny choyrt dooys liorish obbragh breeoil e phooar.

Ephesianee 4:5

Un Chiarn, un chredjue, un vashtey.

Ephesianee 5:14

Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Philippianee 1:29

Son diuish te er ny choyrt ass lieh Chreest, cha nee ny‐lomarcan dy chredjal ayn, agh myrgeddin dy hurranse er y ghraih echey;

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 2:13

As shiuish va marroo ayns nyn beccaghyn, as ayns yn an‐ghiarey‐chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree‐seose‐reesht ny merriu, as jeh briwnys dy bragh farraghtyn.

1 Peddyr 3:21

Yn co‐soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree‐seose reesht Yeesey Creest: