Colossianee 2:11 - Yn Conaant Noa 1810

¹¹ Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

Yn Vible Casherick 1775 1819

¹¹ Aynsyn ta shiuish myrgeddin er nyn ghiarey-chymmylt lesh y ghiarey-chymmylt jeant fegooish laueyn, ayns coyrt ersooyl corp peccaghyn yn eill, liorish giarey-chymmylt Chreest:

Colossianee 2:11 ပူးပေါင်းရင်းမြစ်များ

Noo Mark 14:58

Cheayll shin eh gra, Lhieg‐yms y chiamble shoh ta jeant lesh laueyn, as cheu‐sthie jeh three laa, trog‐ym chiamble elley vees jeant fegooish laueyn.

Noo Luke 2:21

As tra va hoght laa ec kione son giarey‐chymmylt y lhiannoo, v’eh enmyssit YEESEY, son shen yn ennym hug yn ainle er, roish my row eh er ny ghiennaghtyn ’sy vrein.

Jannoo 17:24

Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

Jannoo 7:48

Ny‐yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

Romanee 2:29

Agh t’eshyn ny Ew, ta fer er cheu‐sthie: as ta’n giarey‐chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 7:24

O s’treih’n dooinney mee! quoi nee my livrey veih corp y vaase shoh!

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd‐vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

Hebrewnee 9:11

Agh ta Creest er jeet dy ve ny ard‐saggyrt jeh reddyn mie ry‐heet, liorish cabbane‐agglish smoo as s’fondee, cha nee jeant lesh laueyn, ta shen dy ghra, cha nee jeh’n troggal shoh;

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son: