Colossianee 1:5 - Yn Conaant Noa 1810

⁵ Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

Yn Vible Casherick 1775 1819

⁵ Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

Colossianee 1:5 ပူးပေါင်းရင်းမြစ်များ

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 24:15

As ta treishteil aym gys Jee, shen t’ad hene myrgeddin dy lowal, dy bee ayn irree‐seose‐reesht jeh ny merriu, chammah jeh cairagh as neu‐chairagh.

Romanee 10:8

Agh cre te gra? Ta’n goo er‐gerrey dhyt, dy jarroo ayns dty veeal, as ayns dty chree; ta shen goo yn chredjue ta shin dy phreacheil;

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

1 Corinthianee 15:19

My she ’sy vea shoh ny lomarcan ta nyn dreishteil ayns Creest, shinyn s’treih jeh ooilley sheelnaue.

2 Corinthianee 5:19

Ta shen, dy row Jee ayns Creest, cordail yn seihll rish hene, cha nee coyrt nyn loghtyn nyn lieh; as t’eh er livrey dooinyn yn goo dy choardail.

2 Corinthianee 6:7

Liorish y goo dy irrinys, liorish pooar Yee, liorish yn eïlley dy chairys er y laue yesh as y laue chiare.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 2:5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Ephesianee 1:13

Aynsyn ren shiuish myrgeddin treishteil, lurg diu v’er chlashtyn goo yn irriney, sushtal y taualtys eu: aynsyn myrgeddin erreish diu v’er chredjal, va shiu er nyn gowraghey lesh y Spyrryd casherick shen dy ghialdynys,

Ephesianee 4:21

My she shen dy vel shiu er chlashtyn eh, as er ve ynsit liorishyn, myr ta’n irriney ayns Yeesey:

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er‐gerrey gys Jee.

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

1 Peddyr 3:15

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

2 Peddyr 1:12

Shen‐y‐fa cha beem’s meerioosagh dy chur shiu ayns cooinaghtyn kinjagh jeh ny reddyn shoh, ga dy vel fys eu orroo, as dy vel shiu er ve er ny hickyraghey ’syn irriney ta shin loayrt jeh.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.