Colossianee 1:29 - Yn Conaant Noa 1810

²⁹ Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Yn Vible Casherick 1775 1819

²⁹ Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

Colossianee 1:29 ပူးပေါင်းရင်းမြစ်များ

Noo Luke 13:24

Streeu‐jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Romanee 15:20

As te er ve my yeearree jeean dy phreacheil y sushtal, cha nee raad va Creest hannah er ny enmys, son nagh jinnin troggal er undin dooinney elley:

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

1 Corinthianee 12:11

Agh ad shoh ooilley ta’n un as yn eer Spyrryd cheddin gobbraghey, rheynn er dy chooilley ghooinney er‐lheh myr saillish hene.

1 Corinthianee 12:6

As ta ayn caghlaaghyn dy obbraghyn mirrillagh, agh she’n Jee cheddin ta gobbraghey ooilley ayns ooilley.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 13:3

Fakin dy vel shiu shirrey prowal jeh Creest loayrt aynym’s eshyn nagh vel annoon hiuish, agh t’eh niartal ayndiu.

2 Corinthianee 5:9

Myr shoh te nyn ard‐chiarail, edyr shin ve ayns y chorp ny ass y chorp, dy vod shin eshyn y wooiys.

2 Corinthianee 6:5

Ayns buillaghyn, ayns pryssooney, ayns irree‐magh nyn ’oï, ayns tooilleil, ayns watchal, ayns trostey;

Ephesianee 1:19

As cre ta mooads erskyn towse e phooar dooinyn ta credjal, cordail rish bree e phooar niartal;

Ephesianee 3:20

Nish huggeysyn ta abyl dy yannoo foddey erskyn ooilley ny ta shin geearree ny smooinaghtyn, cordail rish y phooar ta gobbraghey dy niartal aynin,

Ephesianee 3:7

Jeh va mish jeant my hirveishagh, cordail rish gioot grayse Yee v’er ny choyrt dooys liorish obbragh breeoil e phooar.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 1:30

Fakin dy vel shiu hene caggey fo’n seaghyn cheddin honnick shiu mish ayn, as nish clashtyn dy vel mee ayn.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Philippianee 2:16

Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Colossianee 2:1

Son baillym shiu dy hoiggal cre ta imnea jeean my chree er non son euish, as er nyn son ocsyn ta ec Laodicea, as er son whilleen as nagh vel er akin m’eddin ’syn eill:

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 2:9

Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

2 Thessalonianee 3:8

Chamoo d’ee shin arran dooinney erbee nastee; agh ren shin gobbraghey lesh deinys as tooilleil oie as laa, son nagh beagh shin costyllagh da veg eu:

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

Hebrewnee 12:4

Cha vel shiu er chummal rish gys deayrtey foalley, gleck noi peccah.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Ashlish 2:3

As t’ou er n’ymmyrkey yn errey, as ta ayd meenid, as er graih my ennym t’ou er hooilleil, as cha vel oo er choayl dty chree.