Colossianee 1:28 - Yn Conaant Noa 1810

²⁸ Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Yn Vible Casherick 1775 1819

²⁸ Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 1:28 ပူးပေါင်းရင်းမြစ်များ

Noo Mian 28:20

Gynsaghey daue dy reayll dy chooilley nhee cre‐erbee ta mish er chur ayns sarey diu: as cur‐my‐ner, ta mish mêriu kinjagh, eer gys jerrey yn theihll. Amen.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe ard‐nieughyn, quoi t’er chur raaue diu dy hea veih yn jymmoose ta ry heet?

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Mark 6:34

As tra va Yeesey er jeet er thalloo honnick eh earroo mooar dy leih, as v’eh er ny veiyghey lesh chymmey orroo, er‐yn‐oyr dy row ad myr kirree fegooish bochilley: as ren eh toshiaght dy ynsaghey ad ayns ymmodee reddyn.

Noo Luke 21:15

Son ver‐yms diu beeal as creenaght, nagh bee ooilley nyn noidyn son loayrt ny shassoo magh n’oï.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 11:20

As va paart jeu deiney veih Cyprus as Cyrene, as tra va’d er jeet gys Antioch loayr ad rish ny Grecianee, preacheil yn Chiarn Yeesey.

Jannoo 13:38

Toig‐jee shiuish er‐y‐fa shen, gheiney as vraaraghyn, dy nee ny hrooidsyn ta leih peccaghyn er ny phreacheil diu:

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 17:3

Soilshaghey as prowal dy beign da Creest v’er hurranse, as er n’irree veih ny merriu: as dy nee Yeesey shoh ta mish dy phreacheil diu, yn Creest.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 3:20

As nee eh Yeesey Creest y choyrt, va roïe er ny phreacheil diu:

Jannoo 5:42

As gagh laa ayns y chiamble, as veih thie dy thie cha scuirr ad dy ynsaghey as dy phreacheil Yeesey Creest.

Jannoo 8:35

Eisht doshil Philip e veeal, as ghow eh toshiaght ec y scriptyr cheddin, as ren eh Yeesey y phreacheil da.

Jannoo 8:5

Agh hie Philip sheese gys ard‐valley Samaria, as ren eh Creest y phreacheil daue.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 12:8

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin;

1 Corinthianee 15:12

Nish my ta Creest er ny phreacheil dy dirree eh veih ny merriu, kys ta paart nyn mast’ eu gra nagh vel ayn irree‐seose‐reesht ny merriu?

1 Corinthianee 2:15

Agh eshyn ta spyrrydoil, t’eh briwnys dy chooilley nhee, ny yeih cha vel eh hene er ny vriwnys liorish dooinney erbee.

1 Corinthianee 2:6

Agh ta shinyn loayrt creenaght nyn mast’ ocsyn ta slane ynsit, ny‐yeih cha nee creenaght y theihll shoh, ny jeh princeyn y theihll ta lheïe ersooyl:

1 Corinthianee 4:14

Cha vel mee scrieu ny reddyn shoh dy naaraghey shiu, agh myr my chloan shynney lhiam ta mee cur coyrle diu.

2 Corinthianee 10:14

Son cha vel shin sheeyney shin hene harrish nyn dowse, myr nagh beagh shin er roshtyn hiu; son ta shin er jeet choud as hiuish myrgeddin, ayns preacheil sushtal Chreest.

2 Corinthianee 11:2

Son ta mee eadolagh harrishdiu lesh eadolys chrauee: son ta mee er nastey shiu rish un heshey, dy voddym shiu y hebbal myr moidyn ghlen da Creest.

2 Corinthianee 4:5

Son cha nee shin hene ta shin dy phreacheil, agh Creest Yeesey yn Chiarn: as shin hene ny sharvaantyn euish er graih Yeesey.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee.

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu‐chyndagh ayns e hilley:

Colossianee 2:10

As ta shiuish dy fondagh er nyn n’yannoo magh aynsyn, ta kione dy chooilley ard‐reill as pooar.

Colossianee 2:3

Ayn ta follit dy chooilley verchys dy chreenaght as tushtey.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y volley ayns cooish erbee: er‐yn‐oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro‐laue, as er hoilshaghey.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

Hebrewnee 10:14

Son liorish un oural t’eh er heyrey adsyn son dy bragh ta er nyn gasherickey:

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

2 Peddyr 3:15

As smooinee‐jee dy vel surranse‐foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;