Colossianee 1:24 - Yn Conaant Noa 1810

²⁴ Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

Yn Vible Casherick 1775 1819

²⁴ Ta nish goaill boggey ayns my hurranse er nyn son, as lhieeney seose shen ny ta ergooyl jeh seaghyn Chreest ayns my eill, er graih yn chorp echeysyn, ta shen yn agglish:

Colossianee 1:24 ပူးပေါင်းရင်းမြစ်များ

Noo Mark 10:39

As dooyrt ad rish, Foddee mayd. As dooyrt Yeesey roo, Iu‐ee shiu dy jarroo jeh’n cappan ta mish giu jeh; as bee shiu er nyn mashtey lesh y bashtey ta mish bashtit lesh.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

Romanee 5:3

As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 12:27

Agh nish ta shiuish corp Chreest, as oltyn er‐lheh.

2 Corinthianee 12:15

As dy feer arryltagh nee’m baarail, as bee’m er my vaarail er nyn son eu; ga myr smoo dy mooar ta mish graihagh erriuish, sloo dy ghraih t’euish orrym.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 7:4

S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

Ephesianee 1:23

Ta shen yn corp echey, ta dy slane jeant magh liorishyn ta lhieeney ooilley ayns ooilley.

Ephesianee 3:1

Son yn oyr shoh, ta mish Paul, pryssoonagh Yeesey Creest er y choontey euish Ashoonyn‐quaagh;

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Philippianee 3:10

Dy vod enney ’ve aym ersyn, as toiggal pooar yn irree‐seose reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Colossianee 1:18

As t’eshyn kione y chorp, yn agglish: eh ta’n toshiaght, yn chied‐er‐ny‐ruggey veih ny merriu; dy voddagh yn ard‐reill ’ve echey ayns dy chooilley nhee.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;