Colossianee 1:21 - Yn Conaant Noa 1810

²¹ As shiuish va roish nish nyn yoarreeyn, as noidyn ayns nyn aigney liorish obbraghyn mee‐chrauee, agh t’eh nish er choardail [rish Jee.]

Yn Vible Casherick 1775 1819

²¹ As shiuish va roish nish nyn yoarreeyn, as noidyn ayns nyn aigney liorish obbraghyn mee-chrauee, agh t’eh nish er choardail [rish Jee].

Colossianee 1:21 ပူးပေါင်းရင်းမြစ်များ

Romanee 1:30

Cooylchasseydee, noidyn Yee, roonee, moyrnee, boggyssee, gientyn reddyn olk, mee‐viallee da ayraghyn as moiraghyn,

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Ephesianee 2:19

Cha vel shin nish er‐y‐fa shen ny sodjey nyn yoarreeyn as jeh cheer whaagh, agh sheshey‐cummaltee marish ny nooghyn, as jeh lught‐thie Yee;

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.