Colossianee 1:19 - Yn Conaant Noa 1810

¹⁹ Son s’cooidsave lesh yn Ayr, dy jinnagh slane towse y dooghys flaunyssagh cummal aynsyn;

Yn Vible Casherick 1775 1819

¹⁹ Son s’gooidsave lesh yn Ayr, dy jinnagh slane towse y dooghys flaunyssagh cummal aynsyn;

Colossianee 1:19 ပူးပေါင်းရင်းမြစ်များ

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 1:16

As jeh’n slane towse echey ta shin ooilley er gheddyn ayrn, as grayse er grayse.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

Ephesianee 1:23

Ta shen yn corp echey, ta dy slane jeant magh liorishyn ta lhieeney ooilley ayns ooilley.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

Ephesianee 1:5

T’er chiarail shin gys doltanys cloan liorish Yeesey Creest da hene, cordail rish taitnys e aigney‐mie hene,

Ephesianee 4:10

Eshyn hie sheese, eh yn fer cheddin hie seose foddey erskyn ny niaughyn, dy voddagh eh lhieeney dy chooilley nhee)

Colossianee 2:3

Ayn ta follit dy chooilley verchys dy chreenaght as tushtey.

Colossianee 2:9

Son aynsyn ta tannaghtyn bree yn dooghys flaunyssagh ayns slane towse.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.