Colossianee 1:16 - Yn Conaant Noa 1810

¹⁶ Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill‐reeoil, ny chiarnyssyn, ny rheamyn, ny pooaraghyn: va dy chooilley nee er nyn groo liorishyn, as er e hon:

Yn Vible Casherick 1775 1819

¹⁶ Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill-reeoil, ny chiarnyssyn, ny rheamyn, ny pooaraghyn: va dy chooilley nhee er nyn groo liorishyn, as er e hon:

Colossianee 1:16 ပူးပေါင်းရင်းမြစ်များ

Noo Ean 1:10

V’eh ayns y theihll, as va’n seihll er ny yannoo liorishyn, as y seihll cha dug enney er.

Noo Ean 1:3

Liorishyn va dy chooilley nhee er ny yannoo; as n’egooish cha row nhee erbee jeant va er ny yannoo;

Romanee 11:36

Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Romanee 8:38

Son ta slane shickyrys aym, nagh bee edyr baase, ny bioys, ny ainleyn, ny ard‐reilltee, ny pooaraghyn seihltagh, ny reddyn ta nish ayn, ny reddyn ta ry heet,

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Philippianee 2:10

Ec ennym Yeesey dy jinnagh dy chooilley ghlioon loobey, dy reddyn ayns niau, as reddyn er y thalloo, as dy reddyn fo’n thalloo;

Colossianee 1:15

Eshyn ta co‐chaslys yn Jee nagh vod ve er ny akin, yn chied‐er‐ny‐gheddyn jeh dy chooilley chretoor:

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Colossianee 2:10

As ta shiuish dy fondagh er nyn n’yannoo magh aynsyn, ta kione dy chooilley ard‐reill as pooar.

Colossianee 2:15

As spooilley ard‐reillyn as pooaraghyn, ren eh shilley foshlit jeu, geddyn barriaght harrystoo liorish [y chrosh.]

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.