Colossianee 1:14 - Yn Conaant Noa 1810

¹⁴ Aynsyn ta feaysley ain trooid e uill, dy jarroo leih nyn beccaghyn;

Yn Vible Casherick 1775 1819

¹⁴ Aynsyn ta feaysley ain trooid e uill, dy jarroo leih nyn beccaghyn;

Colossianee 1:14 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Luke 5:20

As tra hug eh tastey da’n chredjue oc, dooyrt eh rish, Ghooinney, ta dty pheccaghyn er nyn leih dhyt.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi‐erbee chred‐jys ayn, dy vow eh feaysley peccaghyn.

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Colossianee 2:13

As shiuish va marroo ayns nyn beccaghyn, as ayns yn an‐ghiarey‐chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn.

Colossianee 3:13

Gymmyrkey yn derrey yeh lesh y jeh elley, as leih da ’cheilley, my ta dooinney erbee as streeu echey rish fer elley; dy jarroo myr ta Creest er leih diuish, myr shen myrgeddin jean‐jee shiuish leih dauesyn.

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 9:12

Chamoo liorish fuill goair as lheiyee, agh liorish yn uill echey hene, hie eh stiagh un cheayrt son ooilley ayns yn ynnyd casherick, lurg da v’er chosney feaysley braa er nyn son.

Hebrewnee 9:22

As cordail rish y leigh ta dy chooilley red son y chooid smoo er ny ghlenney lesh fuill; as fegooish deayrtey‐foalley cha vel veg y leih [son peccah.]

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Ean 1:9

My ta shin goaill‐rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu‐ynrickys.

1 Ean 2:12

Ta mee scrieu hiu, chloan veggey, er‐yn‐oyr dy vel ny peccaghyn eu er ny leih diu er graih e ennym.

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;