Ashlish 8:7 - Yn Conaant Noa 1810

⁷ Heid y chied ainle, as haink claghyn‐sniaghtee as ainle lesh fuill ny chione, as v’ad er nyn gheayrtey er y thalloo: as va’n trass ayrn jeh ny biljyn losht, as va ooilley yn faiyr glass losht.

Yn Vible Casherick 1775 1819

⁷ Heid y chied ainle, as haink claghyn-sniaghtee as aile lesh fuill ny chione, as v’ad er nyn gheayrtey er y thalloo: as va’n trass ayrn jeh ny biljyn losht, as va ooilley yn faiyr glass losht.

Ashlish 8:7 ပူးပေါင်းရင်းမြစ်များ

Jamys 1:11

Son cha vel y ghrian ny sleaie er nirree lesh chiass loshtee, agh t’ee fioghey yn faiyr, as ta’n blaa echey tuittym, as aalid yn chummey echey goll naardey: myr shen myrgeddin nee yn dooinney berchagh shymley ersooyl ayns e raaidyn.

1 Peddyr 1:24

Son ta dy chooilley eill myr faiyr, as ooilley aalid dooinney myr blaa faiyr. Ta’n faiyr fioghey, as ta e vlaa tuittym ersooyl:

Ashlish 12:4

As hayrn y famman echey yn trass ayrn jeh rollageyn niau, as cheau eh ad er y thalloo: as hass y dragon kiongoyrt rish y ven va aarloo dy ve livreit, dy stroie yn lhiannoo eck cha leah as harragh eh er y theihll.

Ashlish 16:2

As hie yn chied er, as gheayrt eh magh e chappan er y thalloo; as haink eh dy ve ching breinn as piandagh er ny deiney va cowrey’n veisht orroo, as orroosyn hug ooashley da’n jalloo echey.

Ashlish 16:21

As huitt er deiney claghyn‐sniaghtee mooar garroo veih niau, dy chooilley chlagh mysh trimmid talent: as ren deiney Jee y oltooaney er coontey kerraghey’n sniaghtey‐garroo; son va’n chragh ren eh erskyn towse trome.

Ashlish 6:8

As yeeagh mee, as cur‐my‐ner, cabbyl banee; as va ennym yn varkiaght v’er, yn Baase, as yn oaie geiyrt er: as va pooar currit daue harrish y chiarroo ayrn jeh’n thalloo, dy varroo lesh y chliwe, as lesh gortey, as lesh baase, as lesh beiyn feïe y thallooin.

Ashlish 7:1

As lurg ny reddyn shoh, honnick mee kiare ainleyn shassoo er kiare corneilyn y thallooin, lhiettal ny kiare gheayghyn y theihll, nagh sheidagh y gheay er y thalloo, ny er yn aarkey, ny billey erbee.

Ashlish 9:15

As va ny kiare ainleyn er nyn veaysley, va kiarit son oor, as laa, as mee, as blein, dy stroie yn trass ayrn jeh sheelnaue.

Ashlish 9:18

Lioroo shoh nyn droor va’n trass ayrn dy gheiney er ny stroie, liorish yn aile, as liorish y jaagh, as liorish y brimstone, haink as nyn meeal.

Ashlish 9:4

As v’ad fo harey gyn skielley y yannoo da faiyr y thallooin, ny da red glass erbee, ny billey erbee; agh da ny deiney shen ny lomarcan, nagh row cowrey Yee oc ayns glare nyn eddin.