Ashlish 8:2 - Yn Conaant Noa 1810

² As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.

Yn Vible Casherick 1775 1819

² As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.

Ashlish 8:2 ပူးပေါင်းရင်းမြစ်များ

Noo Mian 18:10

Cur‐jee twoaie nagh soie shiu beg jeh unnane jeh’n vooinjer veggey shoh: son ta mee gra riu, dy vel ny ainleyn ocsyn ayns niau, kinjagh cur‐my‐ner eddin my Ayr flaunyssagh.

Noo Mian 24:31

As ver eh magh e ainleyn lesh yn trumpet dy ard‐choraa, as nee ad e chloan reiht y haglym cooidjagh veih ny kiare geayghyn, veih’n derrey ard fo’n aer gys yn ard elley.

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee; as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

1 Corinthianee 15:52

Ayns tullogh, ayns shallid, ec y chayrn s’jerree: (son bee’n cayrn er ny hellym, as bee ny merriu troggit seose gys y stayd nagh jed mow, as bee mayd er nyn gaghlaa.)

1 Thessalonianee 4:16

Son hig y Chiarn neose veih niau lesh eam ard, lesh coraa yn ard‐ainle, as lesh cayrn Yee: as nee ny merriu ayns Creest girree hoshiaght.

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn, ta, as va, as ta ry heet: as veih ny shiaght spyrrydyn ta kiongoyrt rish e stoyl‐reeoil.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 15:1

As honnick mee cowrey elley ayns niau, mooar as mirrillagh, shiaght ainleyn as ny shiaght briwnyssyn s’jerree oc, son ayndoosyn t’er ny lhieeney seose jymmoose Yee.

Ashlish 16:1

As cheayll mee coraa ard ass y chiamble, gra rish ny shiaght ainleyn, Immee‐jee as deayrt‐jee magh ny siyn dy yymmoose Yee er y thalloo.

Ashlish 8:13

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.

Ashlish 8:6

As ren ny shiaght ainleyn, oc va ny shiaght cayrnyn, kiartaghey ad hene dy heidey.

Ashlish 9:1

As heid yn wheiggoo ainle, as honnick mee rollage tuittym veih niau gys y thalloo: as dasyn v’er ny choyrt ogher yn diunid gyn‐grunt.