Ashlish 8:13 - Yn Conaant Noa 1810

¹³ As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.

Yn Vible Casherick 1775 1819

¹³ As yeeagh mee, as cheayll mee ainle getlagh trooid mean niau, gra lesh ard-choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry-hoi sheidey.

Ashlish 8:13 ပူးပေါင်းရင်းမြစ်များ

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Ashlish 11:14

Ta’n nah cherraghey harrish, as cur‐my‐ner, ta’n trass cheet dy tappee.

Ashlish 12:12

Gow‐jee boggey er‐y‐fa shen, shiuish niaughyn, as shiuish ta cummal ayndoo. Smerg da cummaltee yn thalloo as yn aarkey; son ta’n drogh‐spyrryd er jeet neose hiuish ayns farg eulyssagh, er‐yn‐oyr dy vel fys echeysyn nagh vel e hraa agh giare.

Ashlish 14:3

As ghow ad myr dy beagh eh arrane noa kiongoyrt rish y stoyl‐reeoil, as kiongoyrt rish ny kiare cretooryn bio, as y chanstyr: as cha dod dooinney erbee yn arrane shen y ynsaghey, agh y chiaght feed as kiare thousaneyn, v’er nyn veaysley veih broïd y theihll.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,

Ashlish 19:17

As honnick mee ainle ny hassoo ayns y ghrian; as deïe eh lesh ard‐choraa, gra rish dy chooilley eean ta getlagh ayns mean yn aer, Tar‐jee, as chaggil‐jee shiu hene dy cheilley gys shibber yn Jee mooar;

Ashlish 3:10

Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.

Ashlish 8:2

As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.

Ashlish 9:1

As heid yn wheiggoo ainle, as honnick mee rollage tuittym veih niau gys y thalloo: as dasyn v’er ny choyrt ogher yn diunid gyn‐grunt.

Ashlish 9:12

T’an chied cherraghey trome harrish, as cur‐my‐ner, ta daa cherraghey trome elley dy heet ny lurg oc shoh.