Ashlish 7:17 - Yn Conaant Noa 1810

¹⁷ Son nee’n Eayn ta ayns mean y stoyl‐reeoil, faasaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.

Yn Vible Casherick 1775 1819

¹⁷ Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.

Ashlish 7:17 ပူးပေါင်းရင်းမြစ်များ

Noo Mian 2:6

As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

Noo Mian 5:4

Bannit t’adsyn ta dobberan: son bee ad er nyn gherjaghey.

Noo Ean 10:11

Mish y bochilley mie: ta’n bochilley mie cur e vioys son ny kirree.

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou? veagh oo er hirrey ersyn, as veagh eh er chur dhyt ushtey bio.

Noo Ean 4:11

Dooyrt y ven rish, Vainshter, cha vel red erbee ayd dy hayrn lesh, as ta’n chibbyr dowin: cre voish eisht ta’n ushtey bio shen ayd?

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

1 Peddyr 5:2

Cur‐jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.

Ashlish 21:22

As cha vaik mee chiamble edyr ayn: son ta’n Chiarn Jee ooilley‐niartal, as yn Eayn, yn chiamble eck.

Ashlish 21:23

As cha row yn ard‐valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver‐yms dasyn ta paagh farrane ushtey’n vea nastee.

Ashlish 22:1

As yeeagh eh dou awin glen dy ushtey yn vea, sollys myr crystal, gell magh ass stoyl‐reeoil Yee, as yn Eayn.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:6

As yeeagh mee, as cur‐my‐ner, kiongoyrt rish y stoyl‐reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.