Ashlish 7:16 - Yn Conaant Noa 1810

¹⁶ Cha bee ad accryssagh arragh, chamoo vees ad arragh paagh, chamoo huittys niart ny greiney orroo, ny chiass loshtee erbee.

Yn Vible Casherick 1775 1819

¹⁶ Cha bee ad accryssagh arragh, chamoo vees ad arragh paagh, chamoo huittys niart ny greïney orroo, ny chiass loshtee erbee.

Ashlish 7:16 ပူးပေါင်းရင်းမြစ်များ

Noo Mian 13:21

Foast cha vel fraue echey ayn hene, agh t’eh cummal rish son tammylt: agh tra ta seaghyn as tranlaase cheet er, er coontey yn ghoo chelleeragh ta e chredjue failleil.

Noo Mian 13:6

As tra ghow yn ghrian niart, ve fiojit; as er‐yn‐oyr nagh row eh er n’ghoaill fraue, ren eh shymley ersooyl.

Noo Mian 5:6

Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Mark 4:17

Agh cha vel fraue oc ayndoo hene, as myr shen cha vel ad cummal rish agh son earish: ny lurg shen tra ta seaghyn ny tranlaase cheet orroo er coontey yn ghoo, cheelleragh ta nyn gredjue failleil.

Noo Mark 4:6

As tra ghow yn ghrian niart ve fiojit, as er‐yn‐oyr nagh row eh er n’ghoaill fraue, ren eh shyrgaghey ersooyl.

Noo Luke 1:53

T’eh er lhieeney ny accrys‐see lesh reddyn mie, as ny berchee t’eh er chur follym ersooyl.

Noo Luke 6:21

Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Jamys 1:11

Son cha vel y ghrian ny sleaie er nirree lesh chiass loshtee, agh t’ee fioghey yn faiyr, as ta’n blaa echey tuittym, as aalid yn chummey echey goll naardey: myr shen myrgeddin nee yn dooinney berchagh shymley ersooyl ayns e raaidyn.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.