Ashlish 7:13 - Yn Conaant Noa 1810

¹³ As dreggyr fer jeh ny shantyryn, gra rhym, Quoi ad shoh ta coamrit ayns coamraghyn gial? as cre voish haink ad?

Yn Vible Casherick 1775 1819

¹³ As dreggyr fer jeh ny shanstyryn, gra rhym, Quoi ad shoh ta coamrit ayns coamraghyn gial? as cre voish haink ad?

Ashlish 7:13 ပူးပေါင်းရင်းမြစ်များ

Noo Ean 7:28

Eisht deïe Yeesey ayns y chiamble myr ve’h gynsaghey, gra, Ta chammah enney eu orrym’s, aa ta fys eu cre‐voish ta mee: as cha vel mish er jeet jee’m pene, agh t’eshyn t’er ny choyrt firrinagh, eshyn cha nione diu.

Jannoo 3:12

As tra honnick Peddyr shoh, dansoor eh yn pobble, Gheiney Israel, cre’n‐fa ta shiu gindys er shoh; ny jeeaghyn cha gyere orrinyn, myr ey beagh shin liorish y phooar ny’n chraueeaght ain hene er chur er y dooinney shoh shooyl?

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.

Ashlish 4:10

Ta ny kiare shanstyryn as feed tuittym sheese kiongoyrt rishyn va ny hoie er y stoyl‐reeoil, as coyrt ooashley dasyn ta bio son dy bragh as dy bragh, as t’ad ceau sheese ny attaghyn oc kiongoyrt rish y stoyl‐reeoil, gra,

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.

Ashlish 5:11

As yeeagh mee, as cheayll mee coraa ymmodee ainleyn mygeayrt y stoyl‐reeoil, as ny cretooryn, as ny shanstyryn: as va’n earroo oc jeih thousane keayrt jeih thousaneyn, as thousaneyn dy housaneyn;

Ashlish 5:5

As dooyrt fer jeh ny shanstyryn rhym. Ny jean keayney: cur‐my‐ner, ec Lion kynney Yudah, fraue Ghavid, ta pooar dy osley yn lioar, as dy eaysley ny shiaght sealyn eck.

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: