Ashlish 6:9 - Yn Conaant Noa 1810

⁹ As tra v’eh er vosley yn wheiggoo seal, honnick mee fo’n altar ny anmeenyn ocsyn v’er ny choyrt dy baase son goo Yee, as son yn eanish dymmyrk ad.

Yn Vible Casherick 1775 1819

⁹ As tra v’eh er vosley yn wheiggoo seal, honnick mee fo’n altar ny anmeenyn ocsyn v’er ny choyrt dy baase son goo Yee, as son yn eanish dymmyrk ad.

Ashlish 6:9 ပူးပေါင်းရင်းမြစ်များ

Noo Ean 16:2

Ver ad shiu magh ass ny kialteenyn: as ta’n oor cheet, quoi‐erbee varrys shiu, dy smooinee eh dy bee eh shirveish Jee.

2 Corinthianee 5:8

Ta shin ayns cree, ta mee gra, as ny s’aggindee dy ve mooie ass y chorp, as dy ve ec y thie ayns y Chiarn.

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share:

Philippianee 2:17

As, dy jarroo, my vees m’uill’s er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

2 Timothy 4:6

Son ta mee nish jannoo aarloo dy ve er my hebbal, as ta traa my vaaish er‐gerrey.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

Ashlish 1:2

Ren gymmyrkey feanish gys goo Yee, as recortys Yeesey Creest, as jeh dy chooilley nhee honnick eh.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 14:18

As haink ainle elley veih’n altar, va pooar echey harrish aile; as deïe eh lesh ard‐choraa dasyn va’n corran gyere echey, gra, Cur fo dty chorran gyere, as buinn dossyn billey‐feeyney’n thallooin; son ta’n mess eck slane appee.

Ashlish 16:7

As cheayll mee fer elley gra veih’n altar, Eer myr shen, Hiarn Yee Ooilley‐niartal, firrinagh as cairagh ta dty vriwnyssyn.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Ashlish 20:4

As honnick mee stuill‐reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane blein.

Ashlish 8:3

As haink ainle elley as hass eh ec yn altar, as plate airh echey; as va er ny choyrt da mooarane dy oural‐millish, dy jinnagh eh shen y hebbal marish padjeryn ooilley ny nooghyn er yn altar dy airh, va kiongoyrt rish y stoyl‐reeoil.

Ashlish 9:13

As heid yn cheyoo ainle, as cheayll mee coraa veih kiare corneilyn yn altar airhey, ta kiongoyrt rish Jee,