Ashlish 6:12 - Yn Conaant Noa 1810

¹² As honnick mee tra doshil eh yn cheyoo seal, as cur‐my‐ner, va craa mooar thallooin ayn, as haink y ghrian dy ve doo myr aanrit‐sack geyshteenagh, as va’n eayst myr fuill;

Yn Vible Casherick 1775 1819

¹² As honnick mee tra doshil eh yn cheyoo seal, as cur-my-ner, va craa mooar thallooin ayn, as haink y ghrian dy ve doo myr aanrit-sack geyshteenagh, as va’n eayst myr fuill:

Ashlish 6:12 ပူးပေါင်းရင်းမြစ်များ

Noo Mian 11:21

Smerg dhyt’s Chorazin, smerg dhyt’s Vethsaida: son dy beagh ny obbraghyn yindyssagh er ny ve jeant ayns Tyre as Sidon, t’er ny ve jeant ayndiuish, veagh ad er ghoaill arrys foddey er‐dy‐henney ayns aanrit‐sack as leoie.

Noo Mian 24:29

Chelleeragh lurg seaghyn nyn laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mian 24:7

Son nee ashoon girree‐magh noi ashoon, as reeriaght noi reeriaght: as bee gennaghyn as crampyn, as craaghyn‐thallooin ayns ymmodee ynnydyn.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Noo Mian 28:2

As cur‐my‐ner va craa‐thallooin mooar ayn: son va ainle y Chiarn er jeet neose veih niau, as er jeet as er rowlal back yn chlagh jeh beeal yn oaie, as er hoie urree.

Noo Mark 15:33

As tra va’n cheyoo oor er jeet, va dorraghys harrish ooilley yn cheer, gys yn nuyoo oor.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard‐valley, as ayns y craa‐thallooin v’er nyn stroie shiaght thousane dooinney: as v’adsyn va er‐mayrn atchimagh, as hug ad gloyr da Jee t’ayns niau.

Ashlish 16:18

As va coraaghyn, as taarnaghyn, as tendreilyn; as va craa mooar thallooin, lheid as nagh row rieau neayr’s va sheelnaue er ny chroo, lheid y chraa‐thallooin mooar as atchimagh.

Ashlish 16:8

As ren y chiarroo ainle e chappan y gheayrtey er y ghrian; as va pooar er ny choyrt da dy lostey deiney lesh aile.

Ashlish 8:12

As heid y chiarroo ainle, as va’n trass ayrn jeh’n ghrian dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.

Ashlish 8:5

As ghow yn ainle y censer, as lhieen eh eh lesh aile veih’n altar, as hilg eh eh er y thalloo: as va coraaghyn [agglagh], as taarnaghyn, as tendreilyn, as craa‐hallooin.