Ashlish 6:1 - Yn Conaant Noa 1810

¹ As honnick mee, tra doshil yn Eayn yn chied seal as cheayll mee, myr feiyr taarnagh, fer jeh ny kiare cretooryn, gra, Tar, as cur‐my‐ner.

Yn Vible Casherick 1775 1819

¹ As honnick mee, tra doshil yn Eayn yn chied seal as cheayll mee, myr feiyr taarnagh, fer jeh ny kiare cretooryn, gra, Tar, as cur-my-ner.

Ashlish 6:1 ပူးပေါင်းရင်းမြစ်များ

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Jannoo 4:20

Son cha vod shinyn agh loayrt shen ny ta shin er vakin as er chlashtyn.

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa‐hallooin, as claghyn mooarey sniaghtee.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 14:2

As cheayll mee coraa veih niau, myr sheean ymmodee ushtaghyn, as myr feiyr taarnagh mooar: as cheayll mee kiaull claaseydeyryn cloie er nyn glaasaghyn:

Ashlish 19:6

As cheayll mee myr dy beagh eh sheean earroo mooar dy leih, as myr sheean ymmodee ushtaghyn, as myr feiyr taarnaghyn mooarey, gra, Alleluia; son ta’n Chiarn Jee ooilley‐niartal reill.

Ashlish 4:8

As v’ec dagh fer jeh ny kiare cretooryn shey skianyn mygeayrt‐y‐mysh, as v’ad lane dy hooillyn cheu‐sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley‐niartal, va, as ta, as ta ry‐heet.

Ashlish 5:1

As honnick mee ayns y laue‐yesh echeysyn va soie er y stoyl reeoil, lioar scruit er y cheu‐sthie as er y chooyl, sealit lesh shiaght sealyn.

Ashlish 5:12

Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

Ashlish 6:3

As tra v’eh er vosley yn nah seal, cheayll mee yn nah chretoor gra, Tar, as cur‐my‐ner.

Ashlish 6:5

As tra v’eh er vosley yn trass seal, cheayll mee yn trass chretoor gra, Tar, as cur‐my‐ner. As yeeagh mee, as honnick mee cabbyl doo; as v’echeysyn va markiagh er piyr dy veihaghyn ayns e laue.

Ashlish 6:7

As tra v’eh er vosley yn chiarroo seal, cheayll mee coraa yn chiarroo chretoor gra, Tar, as cur‐my‐ner.

Ashlish 8:1

As tra v’eh er vosley yn chiaghtoo seal, cha row fockle dy chlashtyn ayns niau mysh lieh oor.