Ashlish 5:9 - Yn Conaant Noa 1810

⁹ As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Yn Vible Casherick 1775 1819

⁹ As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 5:9 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 26:28

Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

1 Corinthianee 6:20

Son ta shiu kionnit lesh price: shen‐y‐fa jean‐jee Jee y ghloyraghey ayns nyn gorp, as ayns nyn spyrryd, ta lesh.

1 Corinthianee 7:23

Ta shiuish kionnit lesh price, ny bee‐jee sharvaantyn gheiney.

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 5:19

Loayrt riu hene ayns psalmyn as arraneyn‐moyllee, as arraneyn spyrrydoil; jannoo bingys as kiaull ayns nyn gree gys y Chiarn;

Colossianee 1:14

Aynsyn ta feaysley ain trooid e uill, dy jarroo leih nyn beccaghyn;

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 11:14

Son t’adsyn ta gra lheid ny reddyn, soilshaghey dy plain dy vel ad jeeaghyn son cheer [elley.]

2 Peddyr 2:1

Agh va myrgeddin phadeyryn foalsey mastey’n pobble, eer myr vees fir‐ynsee foalsey ny mast’ euish, ver lhieu stiagh dy follit shaghrynys curstey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt‐mow er mullagh ching.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

Ashlish 10:11

As dooyrt eh rhym, Shegin dhyt’s phadeyrys y yannoo reesht mychione ymmodee pobble, as ashoonyn, as glaraghyn, as reeaghyn.

Ashlish 11:9

As nee adsyn jeh’n pobble, as jeh ny kynneeyn, as ny glaraghyn, as ny ashoonyn, fakin ny kirp marroo oc three laa dy lieh, as cha lhig ad da ny kirp marroo oc dy ve oanluckit.

Ashlish 13:7

As va pooar er ny choyrt da dy chaggey noi ny nooghyn, as dy gheddyn yn varriaght orroo: as va pooar er ny choyrt da harrish dy chooilley chynney, as glare, as ashoon.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrillagh ta dty obbraghyn, Hiarn Yee Ooilley‐niartal; cairagh as firrinagh ta dty raaidyn, uss Ree nooghyn.

Ashlish 17:15

As dooyrt eh rhym, Ta ny ushtaghyn honnick oo, raad ta’n streebagh ny soie, pobble, as earrooyn mooarey, as ashoonyn, as glaraghyn.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:12

Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Ashlish 5:6

As yeeagh mee, as cur‐my‐ner, kiongoyrt rish y stoyl‐reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.